‘ಮಗನ ಮಾತೆ’ ಜಯಲಕ್ಷ್ಮಿ ಆಚಾರ್ಯ ಸಂದರ್ಶನ

ಮಂಗಳೂರು ಆಕಾಶವಾಣಿಯ ವನಿತಾವಾಣಿ ಕಾರ್ಯಕ್ರಮದಲ್ಲಿ ಇತ್ತೀಚೆಗೆ (17Dec2018ರಂದು)ಪ್ರಸಾರವಾದದ್ದು. ಕುಂದಾಪುರದ ಶಂಕರನಾರಾಯಣ ಗ್ರಾಮದ ಜಯಲಕ್ಷ್ಮಿ ಆಚಾರ್ಯ ಎಂಬುವರ ಜೀವನಗಾಥೆ. ಅವರ ಮೂರನೆಯ ಮಗನಿಗೆ ಭಾರತೀಯ ವಾಯುಸೇನೆಯಲ್ಲಿ ಕೆಲಸ. ಐದನೆಯ ತರಗತಿಯವರೆಗೆ ಮಾತ್ರ ’ಕಲಿತ’ ಜಯಲಕ್ಷ್ಮಿಯವರು, ಏರ್‌ಫೋರ್ಸ್‌ನಲ್ಲಿರುವ ಮಗನೊಡನೆ ಮಾಡಿದ ಕಾವ್ಯಮಯ ಪತ್ರಬರವಣಿಗೆ ‘ಮಗನ ಮಾತೆ’ ಎಂಬ ಕವನಸಂಕಲನ ಪುಸ್ತಕವಾಗಿಯೂ ಪ್ರಕಟವಾಗಿದೆ. ಅದರಿಂದ ಒಂದೆರಡು ‘ಕ್ಷೇಮಸಮಾಚಾರ’ ಕವನಗಳು ಸಹ ಈ ಸಂದರ್ಶನದಲ್ಲಿವೆ. ಅದಲ್ಲದೆಯೂ, ಜಯಲಕ್ಷ್ಮಿಯವರ ಜೀವನಾನುಭವ, ಕ್ರಿಯಾಶೀಲತೆ, ಮತ್ತು ಹೃದಯವಂತಿಕೆ ಎಷ್ಟು ಶ್ರೀಮಂತವಾದುದು ಎಂದು ನಿಮಗೆ ಈ ಸಂದರ್ಶನವನ್ನು ಕೇಳಿದಾಗ ಗೊತ್ತಾಗುತ್ತದೆ. ಅವರ ಬಗ್ಗೆ ಗೌರವಭಾವ ಮೂಡುತ್ತದೆ. ನಿಮ್ಮ 27 ನಿಮಿಷಗಳು ಖಂಡಿತ ವ್ಯರ್ಥ ಆಗಿಲ್ಲ, ಬದಲಿಗೆ ಹೊಸ ಸ್ಫೂರ್ತಿ ಸಿಕ್ಕಿತು ಅಂತಾಗಲೂಬಹುದು.