Ақтөбеліктер көгеріп, сыз тартқан үйлеріне қайтқысы келмейді

БІЗДІҢ KZhead АРНАҒА ТІРКЕЛІҢІЗ: / @informburo31kanal
---------------------------------------------
Баспанамыз тұруға жарамайды! Ақтөбе іргесіндегі саяжай тұрғындарының тасқыннан кейін үйлеріне қайтқысы келмейді. Себебі су басқан баспаналары көгеріп, сыз тартқан. Оны кептіру үшін кемі жарты жыл керек дейді жұрт. Қазір аймақта арнайы комиссия мүшелері табиғи апаттан келген шығынды есептеп, халықтан өтініш қабылдап жатыр. Дүние-мүлкі бүлініп, қара шаңырағынан айырылған жандарға қандай көмек көрсетіледі? Қираған үйлердің саны белгілі ме? Әріптесім Кәмшат Қопаева біліп келді.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бүгінгі шығарылымда:
КӘМШАТ ҚОПАЕВА, тілші:
- Бұл су басқан үйлердің қазіргі жағдайы. Баспаналардың қабырғалары көгеріп, айналаның бәрі балшық. Бір аптадан бері мектепті паналаған тұрғындар сыз тартқан үйді кептірудің өзі оңай емес деп отыр. Сондықтан басқа жаққа көшіруді талап етеді.
Геннадий Рысмағамбетовтің үйін су басып қалған. Жігіт ағасы тасқын лап бергенде құжаттары мен киім-кешегін алып, бас сауғалағанын айтады. Қазір судың беті қайтқанмен үй ішінде бүлінбеген дүние-мүлік қалмапты. Қабырғалар көгеріп, еден судан көтеріліп кеткен. Маңдай терімен салған шаңырағының қазіргі күйін көрген тұрғын бала-шағасын әкеле алмайтынын айтып, көзіне жас алды.
ГЕННАДИЙ РЫСМАҒАМБЕТОВ, Қарғалы саяжайының тұрғыны:
- Мен тұра алмаймын. Отбасы, бала-шағамды әкеліп тұру мүмкін емес. Жоқ дегеннің өзінде жарты жыл кептіру керекпін. Мен қалай кептіремін?! Күш-қуатым жоқ. Жасым елуге келіп қалды. Солай болып қалды қайтеміз енді. Қайда барасың? Кімнің ағайын тумасына барасың? Государствадан өтінішім тек қана жағдайымызды түсініп, зардап шеккендерге баспана берсе содан артық ештеңе керек емес.
Өзен тасыған кезде Қарғалы саяжайындағы оннан астам үй суға кеткен еді. Тұрғындардың айтуынша, мұндай жағдай 2017 жылдан бері қайталанып келеді. Көктем сайын тынышымыз қашады деген қараша үйімізді апатты деп танысын дейді.
ШЫНАРГҮЛ АҚБАЛИЕВА, Қарғалы саяжайының төрайымы:
- 23 наурыздан бастап ұйқы жоқ. Үйлеріміздің жағдайы мынау. 2017 жылдан бері қарай бесінші рет қайталанып тұр. Мен жалғыз қара басымды ойлап тұрған жоқпын. Менің тұрғындарымды нақты қазір 13 үй суға кетіп тұр. Өтініш-талабымыз, арызымыз, жанайқайымыз осы тұрғындарды судың жағалауынан көшіріп, әрбіреуіне мемлекет тарапынан, мемлекеттік пайызбен программасымен үй беруіңізді сұраймын.
Тұрғындар өзен жағасындағы үйлерді көшірмей бұл мәселе шешілмейтінін айтады. Ал арнайы құрылған комиссия мүшелері су кірген үйлерді аралап, бүлінген дүние-мүліктің барлығын қағазға жазып жүр. Шығын толық есептелгеннен кейін ғана қаржы бөлінеді дейді.
ЖОМАРТ ҚАРТБАЕВ, комиссия мүшесі:
- Біздің негізгі міндетіміз ол бүгінгі таңда қандай үйде шығын бар, қандай қиындықтар бар, солардың бәрін фиксировать ету. Бізден кейін заңгерлер шығып, оценщиктер шығады. Осы біздің көрсеткен сауалға байланысты. Солар баға қояды. Мемлекет тарапынан қаражат бөлінеді.
Қазір аймақтағы эвакуация орталықтарында үш мыңнан астам адам бар. Олардың дені үйіміз тұруға жарамайды деп налиды. Ал, баспанасы опырылып ортасына түскен бұқараға тіптен қиын. Қазір тасқыннан зардап шеккен тұрғындарға халық жан-жақтан гуманитарлық көмек жіберіп жатыр.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық