Қызылордадағы көпқабатты үйлердің терезесінен бір тәулік ішінде үш бала құлап кеткен
БІЗДІҢ KZhead АРНАҒА ТІРКЕЛІҢІЗ: / @informburo31kanal
---------------------------------------------
Қызылордадағы көпқабатты үйлердің терезесінен бір тәулік ішінде үш бала құлап кеткен. Қазір қатты жарақат алған 7 жастағы жеткіншек жансақтау бөлімінде жатыр. Ал құтқарушылар күн жылынғалы жоғары қабаттардан құлаған балалар саны күрт көбейді деп дабыл қағуда. Сондықтан қауіпсіздік шараларын сақтап, терезелерді мықтап бекітуді сұрайды.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
АБАЙ НҰРЖАНҰЛЫ, тілші:
- 6 және 7 жастағы балалар дәл мына баспананың үшінші қабатынан құлаған. Жақындарының айтуынша олар ойнап жүріп, терезеден төменге қараған екен. Сол сәтте терезедегі москиттік тор майысып, балалар сыртқа ауып кетіпті.
АРУЖАН АЙМАН, балалардың әпкесі:
- Ересек болғаннан кейін өздері ойнап отыр деп ойлаған. Терезенің алдында отырып балкон санап отырған жерінен құлап кеткен. Сеткадан өтіп кеткен. Сіңілім жақсарды, шок алып қалған тек. Інімді әлі көрген жоқпыз.
Одан бөлек қалада өткен тәулікте тағы бір үш жастағы бүлдіршін бірінші қабаттан құлап түскен. Дәрігерлер қазір балалардың екеуінің денсаулығы жақсарып келеді дейді. Ал үшінші қабаттан құлаған жеткіншектің жағдайы өте ауыр.
ОЛЖАС ҚҰРБАНБАЙ, Қызылорда облыстық балалар ауруханасының дәрігері:
- Бір науқас реанимацияға жатқызылды. Екі науқас травмотология бөлімшесіне жатқызылды. Бір науқасымыздың жағдайы өте ауыр. Ол бас ми жарақатымен соғылуы, ауыр жамбас жарақаты және қосымша ішкі жарақатпен келіп түсті.
Құтқарушылар көпқабатты үйдің тұрғындарынан балаларын бір сәтке көзден таса қалдырмауды сұрайды. Оның үстіне терезелердегі москиттік торлар балалар үшін қауіпсіз емес. Сондықтан тек темір тор орнатуға кеңес береді. Ал мамандардың сөзінше тұтынушылардың сұранысына орай темір торлардың түрі өте көп. Бірақ тұрғындар таңдар сәтте тордың жиілігіне және оның орнатылуына мән беру керек дейді.
БЕКАРЫС АРЫСТАН, кәсіпкер:
- Торлардың арасы стандартында 13 сантиметр болады. Темір торлардың бетін әрмен қылсын, бірақ өрт болған жағдайда қауіптілігі жоғары болады. То есть оны біз орнатқанда оңайлықпен алынбайтын қыламыз. Бірақ оны ескеріп, көп адамдар терезе ашылатын жерден окошка істетіп, топса салып, ашылып-жабылатын қылып қояды.
Айта кетейік, былтыр Қызылордада көпқабатты үйдің балконы мен терезесінен 40-қа жуық бала құлаған болатын. Олардың екеуі ауыр жарақаттан көз жұмған. Ал, жыл басынан бері биіктен құлап, жарақат алған бүлдіршіндер саны 12-ге жетті. Төтенше жағдайлар департаментінің қызметкерлері жоғары қабатта тұратын азаматтарға түсіндіру жұмыстарын жиі жүргіземіз. Бірақ адамдардың көбі ескертуді елемейді дейді.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық