افضل لغة برمجة تتعلمها في ٢٠٢٤ | java - python - php - c# sharp
2024 ж. 15 Мам.
2 849 Рет қаралды
هنتعرف علي اكتر ١٢ لغة برمجة ليهم شعبية في عام ٢٠٢٤ وكمان هنقارن بينهم
بتطبيق خمس معايير وهما
١- سهولة التعلم
٢- الايكو سيستم والادوات والمكتبات المساعدة
٣- شعبية لغة البرمجة والمجتمعات الخاصة باللغة اللي ممكن تساعدك لو وقعت في مشكلة
٤- سوق العمل وعدد الوظائف المتاحة في لحظة كتابة الحلقة
٥- مين من الشركات الكبيرة بتستخدم لغة البرمجة
طبعًا التقيم بيعكس رأيي الشخصي،
في الجزء الاول هنتكلم عن java - python - php - c# sharp
00:00 نختار لغة البرمجة علي آي اساس؟
02:42 الجافا - java
07:19 السي شارب - c sharp
10:22 البايثون - python
14:10 البي اتش بي - php
بسم الله ماشاء الله تبارك الله عليك وبارك الله فيك
بالتوفيق ❤❤
طيب لو عاوزة اتخصص موبايل ابلكيشن و ايه اللغة الاسهل و الاسرع فى التعلم و تكون مطلوبه كفريلانسر او ريموتلي
لو هدفك تبني تطبيقات موبايل بتشتغل على الاندوريد وال ios فأفضل خيارين من وجهة نظري هما React native وهي مبنية على ال javascript و تاني خيار هو flutter ودي مبنية على dart الخيارين ممتازين من حيث سهولة التعلم وسوق العمل بالتوفيق ♥️
@@hazem2ali تمام.. انا قربت اخلص html و هبدأ css بعدها. بعد ما اخلصهم بقي المفروض ابدأ ايه؟ جافا سكريبت؟ طيب انا عاوزة اطبق اللى بتعلمه ده و الحمدلله اختارت تطبيق عاوزة انفذه.. بس حاسه انى تايهه هل انا كده ماشيه صح و لا غلط.. و ابدأ بتنفيذ التطبيق ده ازاي؟
html و css بيستخدموا في الويب ولكن هيفيدك معرفتهم كاساسيات مع الموبايل، ولكن الخطوة اللي بعد css هتكون على حسب هتختاري ايه، لو هتختاري react native يبقى جافا سكربت اما لو هتختاري flutter يبقى هنتعلم dart
طيب مين فيهم الاسهل و الاسرع فى التعلم بالنسبة ليا كمبتدأ @hazem2ali
لو ناوية تتعملي JavaScript وبتدوري على طريقة أسهل للانتقال لتطوير تطبيقات الموبايل، يمكن React Native يكون أسهل. من ناحية تانية، لو كنت مهتم تغوص في لغة برمجة جديدة وعايز ه تحكم أكتر في واجهة المستخدم وأداء التطبيق بتاعك، Flutter يمكن يكون الخيار الأنسب ليك. كل الإطارين قويين وقادرين على بناء تطبيقات عالية الجودة، فاختيارك المفروض يتوافق مع تفضيلاتك في التعلم.
Ruby ? وين
في فيديوهين كمان هينزلوا باذن الله هنستعرض فيهم ٨ لغات برمجة تانيه ✌️ احتمال ruby تكون من ضمنهم
السلام عليكم لو سمحت يبشمهندس انا مشتت تماما بين الphp والدوت نت ومحدش بيدلني علي الخلاصه بسمع ان الphp بتقل عشان في الاول كان الاعتماد عليها وبسمع ان الدوت نت افضل من ناحيه الشركات والخليج بس فري لانس قليل عكس الphp بس مبسمعش حد بيتكلم عن الدوت نت كتير زي الphp وانا تالته حاسبات واغلب اللي اعرفهم ان مكانش كلهم php فهل امشي مع التيار ولا دوت نت
وعليكم السلام ورحمة وبركاته لو هدفك تشتغل ويب باكيند فالخيارين متقاربين من حيث حجم السوق في الشركات عندنا وتقدر كمان تدخل في المفاضلة ال node js و ال python ، تفضيلي الشخصي انك تبدأ ب html و css و اساسيات جافا سكربت بعدها فريم ورك او مكتبة زي vue js او react js وبعدها node js هتلاقي التراك كله متمحور حوالين الجافا سكربت وفرص العمل هتكون متنوعه التراك اطول شويه بس تقدر تشتغل من بعد ما تمشي شوية في الجافا سكربت فرونت ايند، باقي الخيارات جيده برضوا المهم لما تختار التزم بالمسار اللي اخترته وما تشتتش نفسك وكمل المشواو للاخر. تحياتي لك
@@hazem2ali لو تنصحني بلارافيل ولا دوت نت عشان حضرتك كنت قولت في فيديو اللغات إن الارافيل بتقل وسمعت من كذا حد بيقول كدا إن مرتبات الارافيل اقل من الدوت نت ف انهي افضل من ناحيه السفر للخارج وفرص العمل
بس ماتحس ان مقارنة php باللغات هذي غلط؟
اهلًا بيك لو من حيث الاستخدامات فانت عندك حق ولكن معايير المقارنة مركزة على الشخص اللي بيتعلم زي سوق العمل سهولة التعلم ومستوى دعم اللغة الخ شكرًا ليك
من خلال الارقام التي تكرمت بها وباهمال موضوع سهولة التعلم لانه غير مهم بوجهة نظري اذا كان المردود من اللغة البرمجية مجزيا .سينتج لدينا python vs Java وعندي شعور عند التحليل المفصل قليلا ان Java افضل من python فما تعليقكم يا بشمهندس
اهلًا استاذ بشير اللغتين ممتازين لكن لو بتستهدف الشركات الكبيرة فانا متفق معاك، ولكن في معايير اخرى يجب اخذها في الاعتبار وهي التخصص لأن سواء الجافا او البايثون فهم لغات برمجة متعددة الاستخدامات فلو ناوي تتخصص في ال science data مثلًا فالبايثون سوقها افضل نسبيًا ولو تطبيقات الديسكتوب فالجافا افضل وهكذا ، باذن الله هنستعرض كمان ٨ لغات برمجة في حلقتين مقبلين فممكن حاجة منهم تجذبك اكتر. بالتوفيق ♥️
معليش يا هندسة انته كذا خلقت مشكلة بالنسبة للمبتدئين انته عندك عنصرية في لغات البرمجة المفروض الشخص يبدا بلغة تفهمه اساسيات البرمجة وانواعها مثل لغة cpp انا بعدما خلصت لغة cpp اتعلمت جافا في ١٠ ايام كذلك الشخص مفروض يشوف مونتور جيد في رحلته التعليمية والا فسوف يتعثر ويتشتت ويتعب كثيرا وربما يتعقد ويسيب البرمجة وربما يندم بعدما يضيع وقته
اهلًا معاذ كل سنة وانت طيب ورمضان كريم ماشاء الله طبيعي بعد ما تتعلم c++ او جافا انك تتعلم اساسيات اللغة التانية بسرعة، حابب اعرف ايه اللي خلاك تشوف ان المحتوى فيه عنصرية بين لغات البرمجة وايه المشكلة اللي خلقتها للمبتدئين؟ تحياتي
@@hazem2ali اهلا اخي حازم علينا وعليك ان شاء الله يا رب وشكرا لمرورك الكريم ولردك اللطيف انا بعتذر لك على الكلام اللي انا قلته ما كانش بافضل طريقة 🙏🏻 انا تكلمت من وجهة نظري كاني شخص لسى داخل المجال فعندما اشوف مقارنات ما بين لغات البرمجة يتبادر لذهني انه فيه لغة افضل من اخرى واحتمال كبير جدا اني افهم انه البرمجة هي لغة برمجة واضيع وقت كثير وانا اتعلم syntax مع انه البرمجة تختلف تماما عن لغات البرمجة اللي هي مجرد وسيلة ياليت كان نصحت الاشخاص اللي بادئين انهم يدروسو على لغة واحدة تكون قوية ويتاسسو بيها بعدين يقدر الشخص يتنقل ما بين اللغات بكل سهولة الفيديو بتاعك ممتاز جدا بالنسبة للاشخاص اللي عندهم اساس برمجي بحيث يقدر يتعلم لغة ويعمل عليها مشاريع ويطبق اكثر الف شكر ❤ الله يعطيك العافية
@@MuaathAbbas اهلًا اخي معاذ لا داعي للاعتذار ، فعلًا المقارنات ممكن تأدي للتشتت وهدفي من السلسلة دي اني اساعد بقدر الامكان في تسهيل عملية الاختيار، في الدقيقة 0:39 من الفيديو قصدت أكد علي النقطة دي ، اما طريقة التعلم فالموضوع نسبي علي حسب هدفك فلو هدفك انك تشتغل في اسرع وقت ممكن علشان يبقى ليك مصدر دخل او يكون عندك دافع اقوى انك تكمل هيبقى تعلم اكتر من لغة برمجة او لغة برمجة صعبة مش الخيار الافضل، لذلك انا قسمت المقارنة لعدة معايير وبناء علي هدفك هتلاقي معيار فارق معاك اكتر من التاني وهكذا، اسعدني كتير الحديث معاك ولو في عندك اي مقترحات لتحسين المحتوى هكون شاكر جدًا ليك. تحياتي لك ♥