Sai da na yi gargaɗi kan bashin da El-Rufai zai ciyo amma aka yi min bore - Shehu Sani

Sanata Shehu Sani ya ce hana El-Rufai ciyo bashi na ɗaya daga cikin dalilan da ya kwace kujerarsa ya ba wa wani a Zaɓen 2019.
Ya ƙara da cewa dama hangen halin da jihar za ta iya tsintar kanta ya sa ya yi tsayin daka wajen hana gwamnatin El-Rufai ciwo bashi a wancan lokacin da yake kujerarsa ta ɗan Majalisar Tarayya, kuma ya gargaɗi mutanen Kaduna amma ba su goyi bayansa ba sai ma bore da su ka yi masa.