ಜೀವನದಿ-ಭಾವನದಿ ನೃತ್ಯರೂಪಕ

ವಾಷಿಂಗ್ಟನ್ ಡಿಸಿ. ಪ್ರದೇಶದ ‘ಕಾವೇರಿ’ ಕನ್ನಡ ಸಂಘದ ಸುವರ್ಣಮಹೋತ್ಸವ (26-27 ಆಗಸ್ಟ್ 2022) ಸಂದರ್ಭದಲ್ಲಿ ಪ್ರಸ್ತುತಿ
ಕನ್ನಡ ನಾಡಿನ ಜೀವನದಿ ಎಂದೆನಿಸಿದ ಕಾವೇರಿಯ ಉಗಮ, ಅದರ ಹಿಂದಿರುವ ಪೌರಾಣಿಕ ಕಥೆ, ಸಪ್ತ ಪವಿತ್ರನದಿಗಳಲ್ಲೊಂದೆಂಬ ಹೆಗ್ಗಳಿಕೆ, ಕೊಡಗಿನ ತಲಕಾವೇರಿಯಲ್ಲಿ ಹುಟ್ಟಿ ತಮಿಳುನಾಡಿನ ಪೂಂಪುಹಾರ್‌ನಲ್ಲಿ ಬಂಗಾಳಕೊಲ್ಲಿಯನ್ನು ಸೇರುವವರೆಗಿನ ಪಥದಲ್ಲಿ ಬರುವ ಪುಣ್ಯಕ್ಷೇತ್ರಗಳು, ಜೊತೆಯಲ್ಲೇ ದಾರಿಯುದ್ದಕ್ಕೂ ಕೃಷಿ, ವಾಣಿಜ್ಯ, ಕೈಗಾರಿಕೆ ಮುಂತಾಗಿ ಹಲವು ರೀತಿಯಲ್ಲಿ ಲೋಕೋಪಕಾರಿಯಾಗಿ ಹರಿಯುವ ಕಾವೇರಿ- ಇವೆಲ್ಲದರ ವಿಹಂಗಮ ನೋಟ, ಕರ್ನಾಟಕದ ಕನ್ನಡಿಗರಿಗೆ ‘ಜೀವನದಿ’ ಆಗಿರುವ ಕಾವೇರಿ, ವಾಷಿಂಗ್ಟನ್ ಡಿಸಿ ಪ್ರದೇಶದಲ್ಲಿ ನೆಲೆಸಿರುವ ಅಮೆರಿಕನ್ನಡಿಗರಿಗೆ ‘ಭಾವನದಿ’ ಆಗಿರುವ ಕಾವೇರಿ- ಇವೆರಡನ್ನೂ ಭಾವನಾತ್ಮಕವಾಗಿ ಬೆಸೆದು ಪ್ರಸ್ತುತಪಡಿಸಿರುವ ಅಮೋಘ ನೃತ್ಯರೂಪಕ.
ಪರಿಕಲ್ಪನೆ, ನಿರ್ಮಾಣ, ಮತ್ತು ನಿರ್ದೇಶನ: ವಾಣಿ ರಮೇಶ್
ನಿರೂಪಣಾ ಸಾಹಿತ್ಯ, ಶಬ್ದ, ಚಿತ್ರ ಸಂಕಲನ: ಶ್ರೀವತ್ಸ ಜೋಶಿ
* * *