Қазақстанның әрбір мәдениетті, білімді азаматы өзінің шығармашылық, дүниетанымдық, кәсіптік деңгейін ұлттық мәдениетпен ұштастыра білуі қажет. «Білім және Мәдениет» арнасының мақсаты -- қоғамдағы мәдениеттің алар орнын айқындау, білім мен ғылым жетістіктерін насихаттау арқылы еліміздегі адам капиталының сапалы дамуына үлес қосу.
Арна туындылары Қазақстанның тарихи және мәдени мұрасын сақтау, тілдік ортаны дамыту, рухани құндылықтарды насихаттау, көрерменнің талғамын тереңдету, білімі мен дүниетанымын арттыру міндеттерін негізге ала отырып, ұлттық құндылықтарды насихаттауды басты назарда ұстайды. Сонымен қатар, арна таным көкжиегін кеңейту мақсатында әзірленген отандық және шетелдік үздік телехабарлар мен деректі фильмдерді халыққа ұсынуда.
«Білім және Мәдениет» арнасы тәулігіне 18 сағат хабар таратады. Телеарнаны спутниктік, кабельдік және ғаламтор желілерінің пайдаланушылары көре алады.
