Ақтөбеде қоқыс полигоны өртенді

Жексенбі күні түс қайта қоқыс полгонының жаңа аумағы өртенді. Оқиға орнына төтенше жағдайлар қызметі, "АТК QYZMET" және коммуналдық қызмет мамандары дереу жетіп, қызыл жалынды сөндірген. Алайда, орны бүгінге дейін бықсып жатыр. Қалалық әкімдіктің мәліметінше 300 шаршы метр жерде сенбіліктерден шығарылған құрғақ шөп өртенген. \Облыстық ТЖД баспасөз қызметінің хабарлауынша, өртті сөндіруге өрт сөндіру бөлімдерінен 20 қызметкер мен 4 бірлік техника, "АТК QYZMET" серіктестігінен 12 адам мен 10 техника жұмылдырылды. Қазір бықсып жатқан қоқысты құммен жабу жұмыстары жүріп жатыр. Атап өтейік, қоқыс полигонында бұл көрініс жыл сайын қайталанып келеді. Жаз бойы өрт жиі тұтанады. Сондықтан да, ескі полигон аумағы толықтай құммен көміліп, былтыр жаңа аумағы қолданысқа берілген болатын. Жаңа қоқыс полигоны 18 гектар жерді қамтиды.
Сайт телеканала www.rikatv.kz/
Twitter / rika_kz
Вконтакте vk.com/rikatv