Нағыз Қырғын Басталды!

Бәріңізге ассалаумағаликум. Үкімет екі сөйледі. Әу баста вакцина салдыру ерікті, ешкімге міндеттелмейді деп елден сүйінші сұрағандай болған біздің билік енді сөздерінен тайқып шыға келді. Екпе ектіру ақыры міндеттелді. Жаңа қаулы да шықты. Енді не болмақ? Конституцияда жазылған адам құқықтары қайда қалды? Ел екпеден бас тартса қандай шара қолданылады? Шетелде вакцина салдырмайын дегендерді түрмеге қамап жатқаны рас па? Мұны сізге білген дұрыс!
Негізі вакцинаны міндеттеледі деген әңгіме ел арасында еміс-еміс айтылып тұратын. Бірақ билік тарапынан ешкім ашық тіс жармаған еді. Бірнеше күн бұрын ғана Үкіметте ресми сөз болып, Асқар Мамин коронавирусқа қарсы екпені халыққа міндетті қылу керек дегенді кесіп айтпаса да, сондай қажеттілік туып тұрғанын бір ауыз сөзбен шамалап жеткізген-ді. Сөйтсек бұл халықтың тамырын басып көру болып шықты. Сөйтті де бас санитар дәрігер Ерлан Қиясов арнайы қаулы шығарып тастады.
Ол бойынша шілденің 15-іне дейін вакцинаның бірінші бөлігін алып үлгеруі керек. Ал екінші бөлігін тамыздың 15-іне дейін салдыруы қажет екен.
Міне мынау жаңа қаулы. Екпе салдыруға міндеттелген мекеме, ұйымдардың тізімі анық көрсетілген. Тізімге көз салсаңыз барлығы да халыққа қызмет көрсетумен айналысатын мекемелер. Жіліктеп тұрып айтып берейік. Мүмкін бұл тізімнің сізге де қатысы бар болар?! Қоғамдық тамақтану орындары, пошта бөлімшелері, банктер, ломбардтар, шаштараз-сұлулық салондары, спорт кешендері, моншалар, түрлі шеберханалар. Сонымен қатар бзарлар мен сауда үйлері, әуежайлар, теміржол, автокөлік бекеттері, білім беру ұйымдарында жұмыс істейтіндер де екпе салуға міндеттелді.
Ал енді қараңыз. Біздің үкіметте қу еее?! Өздерінше таңдау беріп қойған. Егер дейді екпе салдырғың келмесе, онда жеті күн сайын ПТР-тестіден өтіп, таза екеніңді дәлелдеуің керек екен. Ойлаңызшы...7 күн сайын...Ақшасы асып-тасып тұрғандар болмаса, бұған екінің бірі көне бермесі анық. Ал вакцина алмағандар жұмыста ғимаратқа кіргізілмейді. Мониторинг топтар вакцина паспорты жоқтарды ұстап алса, әкімшілік кодекс бойынша іс қозғалып, жұмыс беруші де, қызметкердің өзі де айыппұлмен жазаланады.
Негізі коронавирусқа қарсы вакцинаны мәжбүрлеп салу-заңсыз. Жо, жоқ бұл біздің тұжырым емес. Кодексте солай көрсетілген. Ол қандай кодекс дейсіздер ғой. Халық денсаулығы және денсаулық сақтау жүйесі туралы кодекс. Соның 77 бап, 18 тарауында азаматтар екпелерді жүргізуге келісім беруге немесе одан бас тартуға құқық деп ашық жазылған. Бірақ, бірақ үкімет бұл кодексті кө.... бір жеріне қыстырмай отыр деген сөз.
Ал айтыскер ақын Балғынбек Имашев халықты вакцина алмауға шақырып шыр-пыр боп жүр. «Тағдырымды вакцинаға емес, Аллаға тапсырдым» деп үндеу тастаған өнер иесі қатты қапаланса керек бұл жолы вакцина салдырмағандарға баспана сыйлайтынын айтып елді елең еткізді. Бұл туралы ақын өз Instagram парақшасында жариялады.
«Мәжбүрлі вакцинацияға қарсы ештеңе жасай алмаймын. Өйткені оның жарнамасы да, ұялы телефон, ақша, көлік, тіпті, пәтер тігіп елді тарту, қызықтыру, қала берді қорқыту, міндеттеу, қоқан-лоқы жасау сияқты түрлі насихаты мен нақты әрекеттері жаппай белең алып кетті. Бірақ мен де қарап жатпайын, қайырымдылық қорын ашайын! Қазағым үшін әрекет етпекпін» деп жар салды айтыскер.
Алла бұйыртса, ҰТЫС жариялаймын! Вакцина алмағандар үшін! Алыңдар деп желіге салмағандар үшін! Көгілдір, лесби, транс болмағандар үшін! “Қазақстан Ата-аналар одағын” қолдағандар үшін. Балғынбектен 500 баспана! Бес емес, бес жүз! Ұтыстың шарттарын алдағы уақытта жариялаймын! - деп жазды айтыскер ақын желідегі парақшасында.
Вакцина алмаймын деп қырсығып жатқандарға шетелде неше түрлі жаза қарастырылып жатыр. «Стан.кз» ақпарат агенттігінің жазуынша ең ауыр шара Таиландта екен. Сол елге қарасты Бурирам деген провинцияда губернатордың жарлығымен вакцинациядан бас тарту қылмыстық іс деп жарияланды, ол үшін екі жылға дейін түрмеге қамаласың әрі 1 800 доллар айыппұл төлейсің!