🌐Қызылорда облысының Полиция департаментіне жұмысқа орналасуға шақырамыз

🌐Қызылорда облысының Полиция департаментіне жұмысқа орналасуға шақырамыз (ер азаматтарға)
📌Полицей мамандығы - бұл қиындықтардан қорықпайтын және қылмыс әлемімен күресуге әрі азаматтардың қауіпсіздігін қамтамасыз етуге үлес қосуға дайын азаматтар үшін жақсы таңдау. Қазіргі уақытта полиция қызметкері - құрметті әрі беделді кәсіп иесі. Полиция қызметіне орналасқан адам өзінің карьерасын да жасап, көтеріле алады. Бұл мамандықтың мүмкіндіктері де баршылық. Атап айтқанда ерекшелігімен көзге түсетін қызметкерлер өзінің қабілетін жан-жақты аша алады, ерлігімен көзге түскен қызметкерлер лауазымы бойынша көтеріліп, ведомстволық әрі мемлекеттік наградалармен марапатталып,, қоғамда құрметке ие болып, танымал бола алады.
Қызылорда облысының Полиция департаментіне мына лауазымға жұмысқа орналасуға шақырады:
🔽🔽🔽🔽🔽
📌 ПД жылдам қимылдайтын арнайы жасағының инспекторы.
Лауазымдық міндеттері: қоғамдық тәртіпті сақтау мен қамтамасыз ету және қылмысқа қарсы күресу ісіне қатысу.
Үміткерлерге қойылатын талаптар:
- Орта басшы құрам лауазымына мемлекеттік қызмет істері агенттігі уәкілетті органы беретін тестілеуден өту туралы сертификаттың бар болуы, денсаулық жағдайы бойынша жарамдылығы /әскери-дәрігерлік комиссиясы анықтайды
- орта буындағы мамандарды даярлайтын жоғары білім немесе техникалық және кәсіптік білім (заңтану, халықаралық құқық, құқық қорғау қызметі, бастапқы әскери даярлық, дене шынықтыру және спорт);
- орта басшы құрам лауазымына Мемлекеттік қызмет істері агенттігі уәкілетті органы беретін тестілеуден өту туралы сертификаттың бар болуы, денсаулық жағдайы бойынша жарамдылығы (әскери-дәрігерлік комиссиясы анықтайлы);
- 35 жастан аспаған, бойы 175 см. кем емес;
- спорттық дәрежесі, атағы, разрядтары, күрестің түрлері бойынша біліктілігі немесе ату бойынша куәлігі болуы тиіс (қосымша қызметтердің қызметкерлерінен басқа).
Жылдам қимылдайтын арнайы жасақтың бос лауазымдарына үміткерлер дене шынықтыру бойынша нормативтерді тапсырып, соның нәтижелері бойынша жұмысқа қабылданады.
⠀Ішкі істер органдарында қызмет өткерудің артықшылықтары:
⠀- жұмыс берушінің есебінен бастапқы оқыту және біліктілікті арттыру;
⠀- тұрақты және уақтылы жалақы, лауазымы жоғарылуына қарай және жұмыс өтілі мен арнаулы атағы жоғарылауына байланысты еңбекақысы өсіп отырады, ведомстволық наградалар мен көтермелеу болып тұрады; басқа өңірге көшу мүмкіндігі;
⠀- тұрғын үйді жалдағаны үшін төлемақы (өзінің атында тұратын үй болмаған жағдайда ғана); сауықтыруға жыл сайын жәрдемақы; ведомстволық емдеу мекемелерінде тегін медициналық емделу; отбасының барлық мүшелерінің жеңілдікпен санаторлық-шипажайда емделуі; үйленіп (тұрмыс құру), неке қию, баласы дүниеге келгенде және басқа да жағдайларға тап болғанда материалдық көмек;
⠀- жұмыс өтілі 25 жыл болғанда зейнетке шығу құқығы бар;
- 1 жылдық жұмыс өтілі 1,5 жыл болып есептеледі.Толық ақпарат алу үшін мына телефон нөмірлеріне хабарласуға болады:
8/72-42/29-70-47
Электронды мекен-жайы: Ai.sharipova@mvd.gov.kz