17-кварталдың тұрғындары жарық пен ауыз суға шағымдануда

Іргелі ауылдық округіне қарасты Кемертоған ауылының маңында орналасқан 17-кварталда тұратын кейбір тұрғынның тарапынан дау шықты. Белгілі болғандай, аталған елді мекенде тұратын 10 шақты үйдің иелері кешеден бері жарық пен судың жоқ екенін айтып шағымдануда. Бірінші тараптың сөзіне сүйенсек, ауыз судың лас екендігін және жарық пен судың кез келген уақытта себепсіз өшіп қалады. Тіпті Қасиетті Рамазан айы кезінде де судың жоқтығын айтты.
Осы ауылдағы қалған 25 үйдегі тұрғындардың сөзіне де құлақ астық. Олардың айтуы бойынша ай сайын жарық пен ауыз судың ақшасы уақытылы төленуде. Сондай-ақ аталған қызметті қолдану бойынша ешқандай наразылық жоқ екені белгілі болды.
Ал аталған ауыл тұрғындарын жарық және ауыз су қызметімен қамтамасыз етіп отырған жекеменшік «ИП Калелова» былай дейді:
«Осы кварталда 35 үй тұрады. Барлығына бірдей сумен, жарықпен қамтамасыз етіп отырмын. Бірақ соңғы 5-6 ай көлемінде тұғындар ішінен 10 шақты үй тегін ауыз су алып, ақша төлемей келді. Қарыздарының көлемі 1 млн 780мың теңге болды. Бұл қаражатты қазіргі таңда қалтамнан төлеуге мәжбүрмін, сол үшін кешеден осы 10 шақты үйдің жарығын және суын өшіріп тастадық».
Ауыл тұрғындарынан өтініші бойынша аталған мәселенің шешімі - жеке қосалқы трансформаторды “АЖК” мекемесіне өткізу. Алайда электр энергиямен қамтамасыз ететін құрылғы аталмыш компанияның талабына сай емес.
Енді осы мәселе өз шешімін таппаса, ауыл тұрғындары сотқа жүгінетіндігін жеткізді.