Ақтөбе маңындағы саяжайлардың ауласын су басты

Ақтөбеде Елек және Сазды өзендерінің жағасында орналасқан саяжай үйлерін су басып жатыр.
Ауа температурасы бірден 16 градусқа дейін көтеріліп, өзендер мен су қоймалары арнасынан асып кеткен. Биылғы қыста қар әдеттегіден бір жарым есе көп түсті. Қала сыртындағы екі су қоймасы сыйғанынша су қабылдады. Ақтөбе су қоймасының сыйымдылығы - 245 млн текше метр, ал Сазды су қоймасының қуаттылығы 6 млн текше метр су жинауға жетеді. Құтқарушылар аса қауіпті аумақта қалған үйлердің тұрғындарын ғана қауіпсіз жерге көшіруде. Барлығы 68 адам көшірілген. Мамандар алдағы 3 тәулікте су деңгейі әлі де көтерілуі мүмкін екендігін ескертті. Себебі далада қар көп.