Пра альбом тут: www.leibonik.live
Прысвячаецца маім сябрам - за межамі Беларусі і дома.
Гэта першая песня з майго першага "эмігрантскага" альбома, які выйдзе неўзабаве. Адчуваю патрэбу адрэфлексаваць тэму пераезду, пасля чаго можна будзе смела зноў вярнуцца да "тупых песняў", якія, спадзяюся, вы таксама будзеце чакаць і слухаць.
Заўжды з вамі,
дзе б ні знаходзіўся,
Сяргей.
/ leibonik
Над запісам працавалі:
/ bashlykevich
/ mr_nickson73
/ pavel_mamonau
/ pavel_sinila
/ jess_davy_
Leibonik - Emigrant Song (Скажы, Віталік)
На "Роспачы ладдзю" схадзіў бы зноў ў Тэатр лялек,
Але адчаліў твой цітанік. Скажы, Віталік?
На лецішча бацькам прывезла бы свайго ты краша,
Але жывеш ля акіяна. Скажы, Наташа?
Ты шмат вандруеш па свету, скажы, Дзёня,
Але ўсё меней 375 у тэлефоне.
Хацеў бы аксамітнага і караоке ў графах,
Затое Жэня пабываў ўжо ў дваццаці штатах.
Вось бы пасля шахты накаціць настоечку на хлебе,
Але ў Шнэкуцісе не тое. Скажы, Глебе?
Скажы, Міша, дачку звазіць бы ў Магілёў,
Мінімальна пакалдырыць ля дняпроўскіх берагоў
Мала хто разлічваў на такія во прыгоды -
Выязджаў на паўгады, а атрымалася на годы,
Ну пашырыш гарызонты, ну такой бяды -
Выязджаў на пару год, а ад'ехаў назаўжды.
Ну падвучыш мовы, аб’ехааўшы Пангею…
Вы гляньце, пане-каханку Андрэю,
Як мякка ільне да беларусскага нёба
Пшэпрашам, лаб вакар, асалям, мадлоба!
Вось твой саунд-трэк на еўрапейскіх магістралях -
Led Zeppelin - Immigrant Song. Cкажы, Віталя?
Столькі ж бараў, так жа соладка ад дыма,
Але старая Прага не Падол. Cкажы, Дзіма?
Хацела б сцежкай да Дзісны прайсці ляском ад поля,
А як табе бурштын балтыйскі, скажы Воля?
Хацела б на канцэртах у Менску расквітаць як ружа,
А як табе пан-еўрапейскі тур, скажы Ксюша?
Каця, ці прыгожая ў Лондане ляпніна
ў Belarusian Library of Francis Skaryna?
Цікава разглядаць па суботах і нядзелях
Вроцлаўскіх гномаў? А, Эміля? А, Анеля?
З кожным заездам ў Кракаў да Валеры
Я ўсё больш забываюся ўзор мапідаўскай шпалеры.
Хоць айран не кефір, гранола не каша,
Усё лепш чым без суда сядзець. Скажы, Паша?
І вось я тут як вялікая панда
Спяваю мінорную песню эмігранта,
А мог бы спяваць там, дзе лямпачка не гасне,
Бадзёры марш беларускага вязня.
Я мігрант з Украіны. Усе ўкраінцы разумеюць беларускую. Я часта слухаю тваю песню. Асабліва ў кепскія дні. У тваёй песні душа, якую мы ўсё адчуваем. Жыве́ Белару́сь! Слава Україні! Дзякуй!
Усе Беларусы таксама разумеюць украінскую мову)
❤
Я паляк і таксама разумею.
Дзякуй! Слава Украіне!❤
@@maciej4725 Дзякуй! Niech żyje Polska! ❤
Брати-білоруси, хто читає цей коментар - знайте, що ми вас любимо. Геть лукашистів і інших почвар-посіпак!
Дзякуй вам, мы вас таксама любім. ❤️
🥰
Слава Украіне❤
I мы любiм вас, дарагiя! Слава Украiне i Жыве Вольная Беларусь! 💛💙🤍❤🤍
Дзякуй❤
"Мала хто разлiчваў на такiя вось прыгоды - выязжаў на поўгады, а атрымалася на годы..." Балюча атрымалася... Вялiкi дзякуй з пад Гданьску!
Jestem Polakiem i słucham waszych piosenek. Dziękuję bardzo. Życzę wszystkim Białorusinom wolności. Jesteście silni i pokonacie zło. Naprawdę wolni możemy być tylko wszyscy razem. Za wolność naszą i waszą. Czekam na moment, gdy tylko będzie można pojechać i odwiedzić wolną Białoruś.
Dziękuję bardzo! 🤍❤🤍🤝🇵🇱 Polacy, jesteście wspaniałym i cudownym narodem!
Dziękujemy za takie ciepłe słowy❤ dziękujemy Polsce i Polakom❤
Дзякуй, Сярожа. Эмігранту ад эмігранта ❤
Вельмі цёплы трэк, адчуваецца як аўтару баліць і як добра ён адчувае тое ж што шмат іншых вымушаных з'ехаць
Працягвайце гучаць, калі-ласка, што б не адбывалася, удзячнасць і падтрымка, люблю вашу творчасць
Кранальна. Як заўжды, уразіла. І троху балюча....
Як заўжды моцна, няхай і балюча. Дзякуй, Сярога!
Пасла такіх не "тупых песень" сяджу і плачу ў роспачы... хоць сам і ў Беларусі
Трымайцеся!
✊
таксама
Дзякуй ад унутранага эмігранта, пане Сярожа! Дзяўбану заўтра гарадзенскага кефіру за вашае здароўе! ❤
One of the best belarusian song. Thanks. Zhive Belarus!
Авохці мне, як балюча. Апошнія кадры, калі герой нібы зьнікае ў натоўпе, -- прам адразу сьлёзы з вачэй. Вы таленавіты чалавек, дзякую вам.
❤
Таксама ў гэты момант слёзы пакаціліся...
дзякуй, Сярожа, ганаруся быць знаёмым з табой! усё абавязкова будзе добра, вітаначкі з Кіпра🥲будзеш залятаць - залятай у госці!
Дзякуй з Менску. Апошнія радкі такія беларускія. Ты ці эмігрант, ці вязень..
дзякуй за кранальную песню. i такi яркi клiп. мы абавязкова яшчэ паспяваем пад гiтару у нашым двары🤍❤🤍
Песня, якая разбіла ўшчэнт і тых хто застаўся, і тых хто з'ехаў. Дзякуй вам вялікі за творчасць, якая яднае❤🩹
Напэўна, разоў 25 за сёння праглядзеў гэты кліп. Шкада, што нельга ставіць больш чым адну падабайку. Вельмі кранальна. Дзякуй за кліп!
Трэба спяваць і там, і там. І каб лямпачка гасла па жаданні, і не было палітвязняў. Дзякуй, Сяргей, за песню!
ад душы душэўна ў душу. Хадзі, абдыму
Дзякуй за выдатную песню, Сяргей! Праслухаў раз 10 запар, з мокрымі вачыма
Дзякуй ад эмIгрантаў! Спадабалася! Хай у сапраўдных беларусаў будзе ўсе добра!
Божачкі, такая тут праўда, і Валера ў Кракаве, і Эміля ва Ўроцлаве, і Ксюша на канцэртах у Еўропе, хіба што я не на Балтыцы, а ў Варшаве, дзякуй велічэнны, Сярожа ❤❤❤
Дзякуй за песьню! У яе асаблівая магія - яна вельмі балючая, але немагчыма перастаць яе слухаць і слухаць...
+1000000050000000
Гарна пісня! Жыве Беларусь! Слава Україні!
Жыве вечна! Героям слава!
Бяз мокрых вачэй - не магу гэта глядзець. Кастусь - эмiгрант, дзявяты год. Вялiкi дзякуй, Сярожа!
Вiтаю, Кастусь. Так, прыкра. У Яланах усё па - старому.
Сіжу ў Польшчы і слухаю са слязамі на вачах. Не бачыла маму і бабулю ўжо паўтара гады. Хочацца дадому ў вольную краіну🥲 Дзякуй, эмігранту ад эмігранта❤
💔
У мяне такая ж гісторыя, толькі краіна іншая ❤🩹 Трымаемся!
Так а какого вы уехали, не дожали? А ведь в случае смены власти в РБ ни одна ....... туда не вернется.
@@pandionek4288 лично я свое отсидела а "дожимать" против вооруженных мужчин больше меня вдвое я не могу извините, я не виновата что многие мужчины не вышли
@@user-cq9mb3wg5gогда многие сидели типо они вне политики. Мы выходили, мы вышли из своей зоны комфорта, мы вышли из страны. Но мы не обязаны дожимать режим для тех кто вне политики.
Спачатку падалося, што ты проста пералічваеш імёны, а потым да мяне дайшло, што гэта пра канкрэтных людзей. Другі дзень не магу перастаць слухаць. І перастаць плакаць...
Мінімальна пакалдырыць ля дняпроўскіх берагоў 🥲🥲🥲
Гарна пісня. На гарній білоруській мові. Ми теж зараз емігранти через РаZZію😢
Вау, який класний вайб! Обожнюю вашу мову! Привіт всім вимушеним емігрантам від українки з Гданьська! Тримайтеся ✊🏻 Колись це закінчиться!
Гэта так доўга адбываецца, што мы ўжо страцілі надзею чакаць.
Галоўнае - вы трымайцеся, ваша краіна. Мы любім вас. вітанне з Беларусі
@@kuzyukovichі ми кохаємо вас, браття білоруси. Усі ми діти слов'ян, усі ми один народ ❤
Не це, а війна. І не закінчиться, а ми переможемо
תודה רבה,🇮🇱 вялікі дзякуй, шаноўны пан Сяргей! Балюча, хапляе за сэрцайка💔😥. Але абавязкова буду пераслухоўваць для натхнення. Трымайцеся, да пабачэння на вольнай Радзіме, браты-беларусы❣
Вашы песьні в унісон з маёй душой. Яшчэ заспяваем разам на Траецкім. ❤
слухаю ўжо які раз, а слёзы самі цякуць і сціскаецца сэрца ад болю. Дзякуй за песню, у такія моманты моцных пачуццяў разумееш што ўсё яшчэ жывы 💔
Друже, дякую тобі за пісню! Тепер завжди зі мною на плеєрі. Слухаю час від часу одну її по колу. Вдачі тобі у творчості та житті! : )
Дзякуй, спадар, шчыры дзякуй за тое, што робішь 🙏🏻
даун
Дзякуй, Сяргей! Спадзяюся ў нас ва ўсіх будзе мажлівасьць вярнуцца.
Абдымаю! Мы -разам! Вітанкі з Вільні🤍❤️🤍
Мда, раскідала нас канешне. Зараз слухаю на пазіцыі бахмутскі накірунак. І ваш твор падымае настрой і тым самым кпд. Вельмі хочацца павярнуцца дамоў! Галоўнае каб людзі былі гатовы ўзяць адказнасць за волю! І нават калі не гатовы падзяляць на часткі мусароў, то хацябы не перашкаджалі гэта рабіць тым хто гатовы! Шкада што няма мілай пані з чароўным голасам) Да перамогі разам! Слава Украіне! Жыве Беларусь!
🙏🙏🙏
Божачка, хутчэй вяртайцеся дадому. Дзякуй Вам, няхай захоўваюць Вас нябёсы.
@@alesjabirovski85 дзякуй вялікі
Не памірайце, хлопцы !
@@belarus2024 Героі не паміраюць! Яны ідуць да Багоў вольныя. І жывуць у нашых сэрцах.
Прыміце шчырую эмігранцкую падзяку. Здымаю капялюш.
Дзякуй за добрую песню! Вітанкі з Нямеччыны! Абдымаю ўсіх каму прыйшлося праз вайну ці рэпрэсіі пакінуць родныя мясціны!
Дзякуй Вам, ажно да слёз. Павяртайцеся хутчэй, бо адзін я не здолею ўвесь кефір спатрэбіць.
Сярожа, гэта вельмi выдатна. Вялiкi дзякуй цябе! Працягвай!
Цудоўная кампазіцыя. Дзякуй табе за кожнае слова,за кожнае зразумелае да болю.😢
Дзякуй шчыры ад эмiгрантаў эмігранту! Кожны будзе дома!
Файна пісня. Дякую і вітання зі Львова.
Дзякуй вялікі! Акурат сёння разважаў з сястрой аб тым, што гэтая эмігранцкая эмоцыя, якая, здаецца, жыве зараз у кожным беларусе і сціскае нешта у грудзях, патрабуе культурнага артэфакта. І вось Сярожа з'явіўся. Дзякуй! ❤
Мадлоба, Сяргей! Трымаемся! Павернемся, вязні выйдуць і зноў пройдзем маршам❤
Что-то в глаз, наверное, попало, прослезилась ((( и сердце защемило. Видеоряд прикольный. Спасибо, родненькие ❤
Сяржук, дзякуй! Чакаем цябе на канцэрце, дзе будуць нашы ўсе святкаваць перамогу!) уууух я не пью асабліва, але напь'юся абавязкова! І буду танчыць пад вашы леашыя песні, якія ўжо ёсць і якія яшчэ будуць напісаны. З павагай ад беларуса!)
І танчыць, і плакаць, і смяяцца, і абдымаць знаёмых і незнаёмых блізкіх, і зноў, і зноў... 🤍❤️🤍
Гарна пісня, та кліп супер !!!
Вельмі круты тэкст, як заўсёды.. Дзякуй за творчасць!
Дзякуй за песню. Наўпрост у сэрца 😢
Дзякуй за выдатную песню. Сэрца разбіла ўшчэнт 💔💔💔
Пераглядваю ўжо каторы раз. Дзякуй, Сярожа за тваю творчасць!
Такі выдатны твор! Пішы яшчэ! Нармальная ў нас мова, зручная прыгожая, сучасная. Толькі мы доўбні, калі ёю не карыстаемся.
Привет из Израиля. Три года здесь. Вчера друзья из Беларуси, зная о моей любви к белорусскому языку, прислали ссылку. Только одно слово. Спасибо. Жыве Беларусь.
Дзякуй вам вялікі за песню. Немагчыма спыніцца слухаць
Губляюць людзі краіну, губляе Беларусь людзей 😢 Дзякуй за песню.
Калі вы няздольныя ўсвядоміць, што Белоруссіяй мы сталі звацца толькі ў выніку маскальскай акупацыі, то выне народ, а быдла
Дзякуй, паплакала. Апошні мой канцык у Беларусі быў Ляйбонік у Гомлі...😥 Спадзяюся спяем яшчэ разам з вамі гэту песню ў Беларусі
Я не плачу, гэта дождж над Варшавай 🥺
И над Сербией.
Дзякуй вялікі ад унутранага эмігранта!
Дзякуй, сусед!!! Рэфлексуемо разам і ўсё будзе файна!!
Дзякую, Сяргей, за добрую песню! На жаль жудасныя абставіны раскідалі нас па белым свеце... Вельмі часта слухаю ў машыне твой запіс з Віцебшчыны з Ганусяй (Вы Лепшыя);)) У тысячны раз твой Сымон шчыміць сэрца, а за акном пралятае бязмежны Казахскі прастор. Давай, Сярога, радуй нас сваёй новай творчасцю! Жыве Беларусь!✌
Дякую за дану пісню. Повністю розумію текс пісті, так само і гнітючий сенс. Це і є жива культура яка висвітлює життя і становище. Боротьба продовжується проти спільної московської орди. Лайк, підписка, поділився з сім'єю цим відео.
Як моцна!!!!! У самое сэрца!❤дзякуй!!!!
Прывітанне з Хайфы. Гэта пра ўсіх нас, вельмі прыгожа і балюча...
Алмазны фронт ван лав
Не пісня, а крик душі всіх, хто покинув свою батьківщину
Дзякуй вялікі за гэту песню і тваю творчасць наогул ❤
Чакаем ва Уроцлаве з новым альбомам ❤
Дзякуй, выдатная песьня, цудоўны кліп
Зашчаміла душу. Дзякуй. ❤🩹
Цудоўнейшыя і песня, і кліп. Дзякуй, Сяргей!
Дзякуй за вашу творчасць! Вельмі файна атрымалася!
Ніколі б не падумаў, што мапідаўскія шпалеры адгукнуцца тугой у сэрцы… Дзякуй за сьпеў
Дзякуй вялiкi! Madloba! Жыве Беларусь!
Окремий респект за куплет пра тых, хто пакінуў спачатку Беларусь, а потым Украіну.
Тримайтесь, брати! Все здолаємо, все переможемо! Повернемо нашу землю і домівки. Слава Україні! Жыве Беларусь!
Дзякуй. Проста дзякуй. Ніколі не чуў твае песні дагэтуль, а тут раптам у самае сэрдца і музыка, і голас, і тэксты. Нічога не скончылася, ўсё толькі пачынаецца. І 2020 год будзе падмуркам нашай будучыні.
привет-привет! надеемся на скорейший выход мажорной песни. но и эта прям топчик. слушаю уже 3й раз на повторе. Кате из Лондона привет))
Вы абавязкова вернецеся, беларусы! Калі ўжо ўзяліся, то даробім гэтую справу.
Мадлоба Сярожа! слухаю і плачу
Сяргею, красава! Дзякуй вялікі! Плёну і поспехаў па жыцці! 👋 🔥 👍
У самае сэрца ❤🩹 Дзякуй!
🤍❤️🤍 жыве ва ўсім свеце! Дзякуй
Вельмі кранальная песьня, дзякуй.
нічога браты, мы яшчэ вернемся як птушкі па вясне, каб будаваць, каб спяваць, каб жыць бо любоу́ мацнейшая за смерць
випадково натрапив на пісню і зайшла, зараз не репіті у спотіфай. можливо десь ліпше й краще, сонце світить яскравіше й ракети не падають, але це місце не замінить дім
"хоць айран і не кефір, гранола не каша, усё лепш, чым без суда сядзець" пфффф, у часы роспачы, калі ўжо набываю квіткі дадому, буду ўзгадваць гэты радок
Ох, блін, проста нажом ды па сэрцу. Але лепш так, чым бадзеры марш. Чакаем альбом. Дзякуй вялікі❤
Моцная песня. Да слёз. Дзякуй.
Вялiкi дзякуй ад панды з Кракава! Жыве Беларусь!
так боляча, але так неабходна для ўсіх нас❤🩹
Як добра пачуць добры ЛейбонIк
Так, бурштын балтыйскі выдатны, але менскія віды ўжо ніколі не забыць. Песня ўжо тыдзень круціцца ў галаве. Дзякуй вам за тое, як добра паказалі што адбываецца з цяперашней эміграцыяй. У Менску ўжо і пазваніць няма каму.
Падабаецца, як рэагуюць прахожыя. Кайф))
У самае сэрцайка, Сярожа! Жыццёва, весела, балюча - па-беларуску :/
Супер! Шчырае прывiтанне з Шчучыншчыны)) Мы яшчэ зустрэнемся у Ваукавыску i заспяваем пра ксенаморфа. I сэкс з барадатым мужчынам абавязкова. I Касiнерау... i усё iншае.
Выдатна! Дзякуй вяікі!
Проста агонь. Лірыка і музон. Талент адным словам. Жыве !