XALQARO TEATR KUNI MUNOSABATI BILAN DILKASH MUKOFOTI O‘Z EGALARIGA TOPSHIRILDI

"27 mart-Xalqaro teatr kuni" 1961 yili YUNESKO huzuridagi Xalqaro teatr instituti tomonidan Avstriyaning Vena shahrida bo'lib o'tgan IX kongressida ta'sis etilgan. Jahon miqyosida 27 mart kuni teatr san'ati xodimlarining kasb bayrami sifatida keng nishonlanib kelinmoqda.
Shu munosabat bilan "27-mart Xalqaro teatr kuni" va teatr xodimlarining kasb bayramini munosib nishonlash maqsadida Samarqand viloyati qo‘g‘irchoq teatri tarixida ilk bora misli ko‘rilmagan bayram tadbiri tashkil etildi.
Bayram munosabati bilan Samarqand viloyati qo'g'irchoq teatrida o'zbek teatr san'atini yuksaltirish, uning xalqaro miqyosdagi nufuzini oshirishda salmoqli, serqirra ijodi bilan katta hissa qo'shib kelayotgan, yosh, iste'dodli ijodkorlar hamda sahna ortida mehnat qilayotgan ishchi xodimlarni rag‘batlantirish maqsadida "DILKASH" mukofoti o‘z egalariga tantanali ravishda topshirildi.