Ақтөбеде өрттің қауіпті маусымы басталды.

Күн жылып, жер құрғады. Тұрғын үй иелері қоқыстарын шығарып өртеуге кірісті. Әйтсе де қазір тұрмыстық ірі қалдықтарды өртеуге тиым салынған. Заң бұзушыны енді арнайы дронмен анықтайтын болады. Төтеншеліктердің айтуынша құрғаған жапырақты ауладан алысырақ өртеуге болады. Онда да қауіпсіздік үшін жаныңызда бір бөшке су тұрғаны дұрыс. Қатты жел болған күні от жақпаңыз. Саяжай жағаларына шыққанда да отты сөндіріп, темекі тұқылдарын да сөнгеніне көз жеткізуіңіз қажет. Жыл басынан облыста 126 өрт фактісі тіркелген. 4 адам түрлі жарақаттар алса, 3 адам өрттен қайтыс болған. Өрт шығыны 47 миллионнан асады. 1 орман және 2 дала өрті тіркелген. Төтеншеліктер өрт қауіпсіздігін қатаң сақтауды талап етеді.
Сайт телеканала www.rikatv.kz/
Twitter / rika_kz
Вконтакте vk.com/rikatv