Су тасқыны және олардың салдарын жою мәселесі қаралды

Бүгін Министрлер кабинетінде Қазақстандағы тұрғын үй құрылысының барысы, су тасқыны және олардың салдарын жою қаралды. Қазіргі уақытта Атырау, Ақмола, Ақтөбе және Солтүстік Қазақстан облыстары су құрсауында қалып отыр. Яғни, 5 жарым мыңнан астам тұрғын үй, 16 мың саяжай, 91 әкімшілік ғимарат зақымданған. Бұл туралы ел премьер-министрі Олжас Бектеновтың төрағалығымен өткен Үкімет отырысы кезінде айтылды.