Көзінен айрылған Әлем чемпионы | Көз жанарынан айрылған спортшы алтын алды | ЕҢБЕК АДАМЫ #31

#НартайАралбайұлы #NartayNews #НартайНьюс #nartaynews #Еңбекадамы
🔹Спикер: ОЛЖАС ОРАЗАЛЫҰЛЫ - спортшы, әлем чемпионы.
1948 жыл. Ұлыбританиядағы Сток Мандевиль емханасының дәрігері Людвиг Гуттман екінші дүние жүзілік соғыстан мүгедек болып оралған ағылшын ардагерлерін жинап, спорт жарыстарын ұйымдастырады. Бұл жарыс олимпиада ойындарымен тұспа тұс келеді. Сөйтіп, 1952-ші жылдан бастап Сток Мандевиль ойындары ретінде мүгедектер арасындағы жарыс жылда ұйымдастырылатын болды. Араға сегіз жыл салып Халықаралық олимпиада комитеті Римде өткен олимпиада ойындарынан соң, мүмкіндігі шектеулі жандар арасындағы олимпиаданы да өткізіп, оған «Паралимпиада» деген мәртебе берді. Алғашқы ресми паралимпиадаға 23 елден 400 спортшы қатысты. Римдегі паралимпиадаға тек мүгедектер арбасына таңылған спортшылар ғана қатысты. Ал 1976 жылдан бастап әртүрлі жағдайда жарымжан болған азаматтар да бұл дүниенжүзілік додаға қатыса бастады. Бүгінгі біздің кейіпкеріміз де сол паралимпиададан ел намысын қорғап жүрген спорты. Олжас Оразалыұлы парадзюдошы, паралимпиада ойындарының чемпионы, Азия чемпионы. Ерлік пен еңбек астасқан тағдырмен танысайық.
Кәсіби спорт - он екі мүшесі сау адамдардың өзіне қиын. Ал, сол спорттан ел атынан шығып, намысын қорғап, жетістікке жету шын мықтылардың ғана қолынан келетін іс. Паралимпиадашылардың жағдайы мүлде басқа. Өйткені, олар әуелі өмір үшін күреседі. Бойдағы қайсарлықты қайрап, жігерді жанып, тағдырдың тауқыметіне қарсы тұрады. Олардың әр жеңісі - тұншығып барып жұтынған бір демдік ауадай құнды. Кейде паралимпиададан жеңіске жетіп жатқан адамдарды көргенде еріксіз көңілің босайды. Себебі, ол спорттағы қарсыласты емес, тағдырдың қиындығын жеңіп тұр. Ерлік пен еңбектің , жігер мен жүректің тоғысқан жерін сол қайсар жанның жеңісті шағынан көресің.
Жалпы, қазақстандық паралимпиадашылар халықаралық жарыстарда дәйім дара шауып, жүлделі орындардан көрініп жүр. Мысалға, күні кеше Қытайдың Ханчжоу қаласында өткен 4-інші Азия Пара ойындарында ел құрамасы 41 медаль жеңіп алды, оның ішінде 8 алтын, 12 күміс және 21 қола медаль иеленді. Нәтижесінде Медаль саны бойынша 44 ел арасында Қазақстан 11-ші орынға көтерілді. Бұл да айтарлықтай жетістік, жеңіс! Тұтас ел бойынша бұқаралық спортты дамытуға, оның ішінде ерекше қажеттілігі бар азаматтарға барынша жағдай жасалып жатыр. Бірақ, әлі де демеуді қуаттай түсу керек. Себебі, мүмкіндігі шектеулі адамдар қоғамның тең құқылы мүшесі. Олар да оқшауланбай, емін-еркін өмір сүріп, сан салада жетістікке жетуі керек.
“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Интаграм: instagram.com/nartay_aralbayu...
Фейсбук: / nartai.sarsengaliyev