Поездка Ташкент-Бухара-Самарканд-Ташкент школа "Низамхана Сулайманова"

"Есте қалар саяхат»
оқу жылы бойы жақсы нәтиже көрсеткен «Низамхан Сулайманов» мектебінің мұғалімдері және пән олимпиадаларымен жарыстарда жүлделі орындарды иеленген мектептің бір топ оқушылары мектеп құрылтайшысы есебінен ақысыз көрші еліміздің киелі жерлерін сапарлап қайтты. Ташкент қаласынан бастау алған саяхат баршаны сұлу табиғатымен таңқалдырған Бухара-Самарқанд киелі мекендерімен жалғасты. Саяхат барысында Самарқанның ежелгі Афрасиаб атанған солтүстік-шығыс бөлігінде қала тарихының мұражайы, Шаһи Зинда ғимараты, Бибі ханым мешіті сияқты тамаша сәулет ескерткіштермен танысты. Ескі Самарқанның орталығында Регистан, Гүр Әмір, Ақсарай, Рухабат Ишарат хан мазарлары және өзге де ескі мешіттеді аралады. Самарқанда Жалаңтөс Баһадүр салдырған “Ширдор” медресесі өзінің көркемдігімен ерекшеленеді. Бұхараға саяхат ұлттық нақыштағы кәдесыйлар мен XV ғасыр көшелерінен бастау алды. Ләбі Хауыз, Нәдір Диван Бегі медресесі, Саудагерлер үшін ұлттық ою-өрнегі бар киімдерді тігіп, сату үрдісі қалыптасқан базарлар, Бахауиддин Нақшбанди көшесі сияқы тарихи жерлерді саяхаттады.Бұхара - 2,5 мың жылдық тарихы бар, Өзбекстан территориясының орталық бөлігінде орналасқан көне қала. Ерте орта ғасырлардан бастап Бұхара - Орта Азияның басты білім ордасы, ал Азиядан Еуропаға жүретін сауда керуендерінің тоқтайтын негізгі қалаларының бірі болған. Қорыта айтсақ, бұл саяхат көпшіліктің көңілінен шықты. Қызықты және киелі жерлерді саяхаттай отыра уақыт қалай өткенінде сезбей қаласыз!