ӘКІМДІК: «ҚҰЛСАРЫДАҒЫ 1821 ҮЙ ҚҰРҒАТЫЛДЫ»

ӘКІМДІК: «ҚҰЛСАРЫДАҒЫ 1821 ҮЙ ҚҰРҒАТЫЛДЫ»
Құлсары қаласында суға кеткен 1821 үй құрғатылды. Жалпы тасқыннан зардап шеккен баспана саны 3 мыңға жуықтайды. Аудан басшысы Жұмабек Қаражановтың айтуынша, Ақтау мен Шымкент қаласынан су сорғы станциясы алдырылған. Олардың әрқайсысы минутына 500 литр су соруға қауқарлы. Өзге өңірлерден де арнайы техникалар алдырылып, мамандар келген. Су сору жұмысына 69 техника жұмылдырылған, 200-ден астам адам жұмыс істеп жүр. Қазіргі кезде сорылған судың көлемі 1,5 миллион текше метрден асқан. Ал су басқан аумақтарды дезинфекциялаумен 2 компания айналысуда. Тұрғын үйлермен қатар, әлеуметтік нысандар да, қоғамдық орындар да залалсыздандырылып жатыр. Бүлінген инженерлік-коммуникациялық жүйелер де жайлап қалпына келтіріле бастады.
Толығырақ бейнематериалда