Жүкті әйелдің құрсағындағы нәресте әкесі сияқты уақытты шарлай алады ! / Кино Шолу / Кино Айтушы

#киноәлемі #киношолу #казакшакино
Кино Әлемі / Кино Шолу / Кыска шолу
Фильм: Жена путешественника во времени
1970-ші жылдардың басы. 5 жасар Генри Детембл көлікте анасымен ән айтып бара жатады. Күтпеген жерден басқа көлікпен соғысып, олардың машинасын ұшырып әкетеді. Түсініксіз себептермен баланың денесі жай-жайдан ауада жоқ болып кетеді. Анасы бұған сенбей қарап отырғанда үлкен жүк көлігі қарсы келіп, сол жерде мерт болады.
Генри 2 апта кейінге оралыпты. Ол ата-анасының оған ертегі оқып отырғанын көреді. Бірер минуттан соң бала қазіргі кезге қайта келеді және өзінің ересек кезін кездестіреді. Үлкен Генри де басқа уақыттан осында тап болып, кішкентай өзіне көмекке келген. Жігіт балаға енді өзіне маңызды әр түрлі кезеңге саяхат жасайтынын түсіндіреді. Бірақ, қайда баратынын таңдай алмайды және қай уақытта қайтіп келетінін де басқармайды. Бұл оқиғалар аяқ астынан болады екен. Осыларды айтқаннан кейін үлкен Генри ғайып болды.
1991 жылы 28 жастағы Генри кітапханада Клэр Эбшерді кездестіреді. Жігіт қызды алғаш көруде. Ал Клэр болса ол туралы көп білетінін айтады. Олар кешке кафеде кездеседі. Әңгіме барысында қыз Генридің ересек түрін 6 жасында ата-анасының үй жағында кездестіргенін мәлімдейді. Сол кезде жігіт болашақта екеуміз кездесеміз деп айтқан екен. Енді міне шынымен жолығып отыр. Клэр күнделігін шығарып, барлық кездесулерді жазып жүргендігін көрсетеді. Ең соңғы басқосу оның 18 жасында болыпты. Бұған Генри таң қалады. Ал бойжеткен оған өмір бойы ғашық болып келгенін жеткізді. Осыдан соң екеуі кешті жігіттің үйінде жалғастырады.
Кішкентай Клэр бау-бақшада ойнап отырғанда шөптің арғы жағынан бейтаныс біреу төсенішті алып беруін сұраған. Күдіктенсе де, жамылғыны алып береді. Сол кезде Генри шыға келеді де, өзін уақыт саяхатшысы ретінде таныстырады. Олар келешекте жақсы достар болатынына сенім білдіреді. Бұған қыз сенбейді.