БҚО әкімдігі жанындағы жастар ісі жөніндегі кеңес отырысы

Батыс Қазақстан облысының әкімдігі жанындағы жастар ісі жөніндегі кеңес отырысы өтті.
Жиынға Батыс Қазақстан облысы әкімі Төреғалиев Нариман Төреғалиұлы, Батыс Қазақстан облысының қоғамдық даму басқармасының басшысы Шөкеева Гүлжанар Болатқызы, аудан әкімдерінің орынбасарлары, ресурстық орталық басшылары, жастар қоғамдық бірлестіктері мен ұйым жетекшілері және әртүрлі саланың жас мамандары қатысты.
Шара барысында Батыс Қазақстан облысының қоғамдық даму басқармасының басшысы Гүлжанар Болатқызы Батыс Қазақстан облысының жастарын дамытуға арналған 2024-2027 жылдарға арналған жол картасын таныстырып, Бөкейордасы ауданының әкімінің орынбасары Нұршинов Кенесары Бекболатұлы, «Орал студенттері Альянсы» Корпоративтік қорының директоры Серікқалиев Тасболат Серікқалиұлы, «Жастар Рухы» жастар қанаты БҚО филиалының төрағасы Исламғалиев Архат Жұбайұлы, Ақжайық ауданының жас депутаты, жас кәсіпкер, ауданның белсенді волонтері Мағзом Алишер Нұрпейісұлы, БҚО киім дизайнерлері мен модельерлер қауымдастығының төрайымы Сырымова Әсем Кенжебайқызы, Жәнібек ауданының жас дәрігері, «Дипломмен ауылға» бағдарламасының қатысушысы Даненова Фариза Қалмаханқызы өз баяндамаларын оқып, жастарға жасалынып жатқан мүмкіндіктер мен түрлі бастамалар жөнінде сөз қозғады.