Ұнамай ма, кет?! Талдықорғанда Шаған базарының саудагерлері басшылыққа қарсы шықты

БІЗДІҢ KZhead АРНАҒА ТІРКЕЛІҢІЗ: www.youtube.com/@informburo31kanal?sub_confirmation=1
---------------------------------------------
Талдықорғанда Шаған базарының саудагерлері наразылыққа шықты. Киім-кешек пен ыдыс-аяқ сатып, нәпақа табатын кәсіпкерлер жалдау ақысының көтерілгеніне қарсы. 6 шаршы метрлік орынға 50 мың теңге тым қымбат деген шағымданушылар коммуналдық қызмет пен өзге шығындарды да өз қалталарынан төлейді екен. Саудадан береке кетті деген базардағылардың айтарын өңірдегі әріптесім Диана Тұрлыбек тыңдап қайтты.
---------------------------------------------
Теңдессіз жобамызға көз салыңыз: kzhead.info/channel/PLn2OyECVOtB8ZSSBwiA43xi-_dRdDnFhq.html
Бүгінгі шығарылымда:
Шаған базарындағы шуға жалдау ақысының 10 пайызға көтерілуі себеп. Сауда орнынының басшылығы жаңашылдықты айдың басында айтыпты. Бірақ киім-кешек пен ыдыс-аяқ сатып, жан бағып жүрген саудагерлер бұл шешіммен келіспейді. Онсызда коммуналдық қызметті де қалтамыздан төлейміз деген саудагерлер табысты ұмытып, шығынға баттық деп шыр-пыр болды.
ДИНАРА ЫСҚАҚОВА, саудагер:
- «Ұнамай ма, кет!»,- дейді. Басқа адам табылады,- дейді сенен басқа. Ал, біз ол контейнерге қаншама вложение жасадық. 500 мыңға қойдық, кассаға 20 мың бердік. За свет, за комуслугу, за все мы платим. Біз бала-шағамызды осы базармен асырап отырмыз. Қазір бізде сауда жоқ.
ҚАРЛЫҒАШ ЖҰМАБЕКОВА, саудагер:
- «Ана жақта 500 теңге, сендер неге 1000-нан сатасыңдар?»,- дейді. Біз мысалы, бір зат, екі зат сатсақ тәуба дейміз. Неге орынды қымбаттатады? Айтқан арендасын төлеп отырмыз, тиіспесін болды арендаға.
Сауда орнында бес мыңға жуық кәсіпкер бар. Олар алты шаршы метрлік контейнерге осыған дейін 45 мың теңгеге жуық беріп келген. Енді қуықтай жерге 50 мың төлеңдер, болмаса кетіңдер деген екен басшылық. Жағдай жасамай жатып жалдау ақысын қымбаттату барып тұрған бассыздық дейді саудагерлер.
ВЕНЕРА ҚАДЫРОВА , саудагер:
- Бізде мүлдем жағдай жасалмаған. Тіпті, дәретхана ақылы. Көктем мен күзде жаңбыр жауса төбеден су ағып, мұз қатады. Оны тазалап жатқан ешкім жоқ. Жүру тіпті мүмкін емес. Сонда не үшін бағаны көтереді?
Шерін айтып шыққан наразы топтың шағымын тыңдау үшін базар басшысы да келді. Алайда ол шешімді өзгертпеймін деп кесіп айтты. Жаңа талапқа қымбатшылық себеп екен.
СЕРІК ҚҰЛЖАБЕКОВ, базар басшысы:
- Аренданы айтатын болсақ, 4 жыл аренда көтерілген жоқ болатын, енді 4 жылдан кейін инфляция бар, комуслуга көтеріліп жатыр, білесіздер. Сол себепті шешім қабылданған. Оны өзгертпейміз.
Саудагерлердің базынасын жергілікті билік те біледі. Бұл мәселені шешуде қауқарсызбыз деген шенеуніктер жұртқа сотқа жүгінуге кеңес береді.
МИРАС АХМЕТСАПА, Талдықорған қалалық кәсіпкерлік бөлімінің басшысы:
- Қала әкімі өзі осы базардың учредителімен сөйлесті. Бірақ, біз бұл кісілерді міндеттей алмаймыз. Сіздер осындай бағада ұстау керексіздер деп. Енді, бұл кісілерден әлі сұрап отырмыз, түсініңіздер деп. Алайда біздің сұрағанымызға бұл кісілер көнбей жатса, сіздердің араларыңызда келісімшарттаңыз бар өзара. Сол келісімшарт негізінде сотқа барып шешсеңіздер болады.
Наразы топ жалдау ақысын төмендетсін деген талап қойды. Егер жанайқайларына басшылық құлақ аспаса сотқа арыздануға бекінген.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 www.youtube.com/@informburo31kanal
Informburo kz www.youtube.com/@informburokz2022
Facebook - facebook.com/informburo31/
Instagram - instagram.com/informburo31
WhatApp - whatsapp.com/channel/0029VaDmFd0G8l5LLZKA3o19
TikTok - www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық