Алматы облысына іссапармен Қытай делегациясы келді

Алматы облысына іссапармен Қытай делегациясы келді. Негізгі мақсат өңірде бой көтерген жаңа «Алатау» қаласының жұмыс жоспарымен танысу. Арнайы делегациямен облыс әкімі Марат Сұлтанғазиев кездесті. Жиын барысында экономиканың түрлі салаларында өзара тиімді ынтымақтастық және жобаларды бірлесіп іске асыру перспективалары талқыланды. Туризм, ауыл шаруашылығы және құрылыс секторларына ерекше назар аударылды. Кездесуге қатысушылар серіктестікті кеңейту және осы салаларды дамытуға бағытталған нақты бастамаларды іске асыру мүмкіндіктерін көрсетті.