Қазақстандағы ТЭЦ жағдайы нашар | Билікке талап: жұмысы көп, жалақысы аз мамандар | ЕҢБЕК АДАМЫ #39

#НартайАралбайұлы #NartayNews #НартайНьюс #nartaynews #Еңбекадамы
🔹Спикер: БАЗАРБАЙ ЖҰМАДИЛОВ-«АСТАНА-ЖЫЛУТРАНЗИТ»АҚ ҚЫЗМЕТКЕРІ
Ассалаумағалейкум ардақты ағайын. Қытымыр қысты аман аяқтаған адамзат жер аяғы кеңіген көктемге жетіп жанары жадырап, майдайы жіпсіп, жақсылықтан үміт етіп, бір бірімін қауышып жатыр. Бұл табиғаттың заңы. Десе де, табиғат тулағанда талайды тентіретіп жіберетіні бар. Оны басқа басқа Қазақстан халқы жақсы біледі. Өткен жылдары естеріңізде шығар, елдің біресе шығысында, біресе солтүстігінде жылу өшіп, тұтас қалалар қатып қалды. Үйдегі батарея суығанда көңілің күпті болып, жылынар жер іздеп жаныңды қоярға жер таппай кететінің бар. Жұрт сол кезде жаппай электр жылытқыштарға көшті, ондай кернеу көрмеген токтар шетінен өртеніп және бір қуырып еді қарапайым елді. Сондағы проблема жылу қазандығының қирауы. Нақтырақ айтсақ, жылу орталықтарын жекеге алған олигархтардың тиісті жөндеуді жүргізбей, қирағалы тұрған қазандықты қинауы тұғын. Десе де елді қақаған қыста үсіп қалудан сақтайтын батырлар бар бізде, олар жылу орталықтарының қызметкерлері. Иә қатардағы қызметкерлер, әлгі ақшаға уланған бай басшылар емес. Сондай батырдың бірі, жиырма үш жылын жылу саласына арнаған Базардай Жұмаділовпен танысамыз бүгін.
Базарбай Жұмаәділов екі мың бірінші жылы слесар боп қызметке кірген. Содан бері еңбегі адал, ел үшін қызмет етіп келеді. Қажет десеңіз «үздік шебер» деген төсбелгінің иесі. Сахнаға шығып уілдегені кеудесіне есепсіз медаль ілетін заманда Базарбайдай қарапайым еңбек адамдарының еленгені қуантады.
Базарбай Жұмаәділовтың балалары да жылу саласында жанын салып еңбек етіп келеді. Халық тоңып қалмасын деп қызметке шыққанда үш баласын ерте кетеді отағасы. Себебі ұлдары да жұртты жылумен қамтамассыз ететін саланың мықты мамандары. Қазақта: «шоқ қайдан болса жылу содан» деген сөз бар. Сол айтпақшы, ел үшін еңбек еткен ерлердің жұртым жүрегіндегі жылу сөнбесе қазандықтың қарапайым қазақты тоңдырмайтыны ақиқат.
“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Интаграм: instagram.com/nartay_aralbayu...
Фейсбук: / nartai.sarsengaliyev