«Қазағым - ай» әні

«Қазағым - ай» әні
Орындаған мектебіміздің жезтаңдай әншілері:
Қонақбаева Дина 11 «В» сыныбының оқушысы
Құрметқызы Айбота 11«С» сыныбының оқушысы Келес Ляззат 11 «D» сыныбының оқушысы
Музыкалық көркемдік жетекшісі: Саймасаева Гүлвира Бекеновна
Біз ежелден ерлікпен даңқы шыққан халықтың ұрпағымыз!
Біз алтын күн бедерленген көк байрағын әлем биіктерінде желбіреткен бейбітшіл елдің ұланымыз! Бейбіт ел, Тәуелсіз ел Қазақстанды - бізге аға ұрпақ сыйлаған. Біз оны әрдайым зор мақтанышпен, ұлы сезіммен ұрпақтан ұрпаққа табыстайтын боламыз.
Құтты болсын тәуелсіздік мерекесі,
Мықты болсын елімнің керегесі.
Татту-тәтті халқымызға бақ қонып,
Кетпесін туған жердің берекесі.
Кең байтақ, көз жетпейтін жерім менің,
Таулы орман, жасыл жайлау көлім менің.
Бүгінде бар әлемге даңқың жетті,
Тәуелсіз Қазақстан - елім менің!
Ынтымақты ұран, татулықты ту еткен бейбіт халқымыз осы уақыт аралығында толағай табыстарға жетті. Мемлекетіміздің қарқынды дамуы тұрақты саясат пен ішкі бірліктің арқасы.
Рухы биік, намысы берік бабаларымыздың ғасырлар бойғы асыл мұраты - азаттықты аялау, тағдыры ортақ тұтас халқымыздың татулығын сақтау біздің басты мұратымыз. Бірлігіміз бекем, тірлігіміз тиянақты болсын!
Тәуелсіздігіміздің тұғыры биік болғай!
Алматы қаласының физика - математикалық бағыттағы Назарбаев Зияткерлік мектебінің "16 - желтоқсан Қазақстан Республикасының Тәуелсіздігіне - 25 жыл" толуына байланысты «Тәуелсіздіктің ақ таңы» атты салтанатты концертімізден мерекелік шашуымызды тамашалаңыздар!