Әйелін азаптап өлтірді деп айыпталған Қуандық Бишімбаевтың ісіне қатысты тыңдалым басталды
БІЗДІҢ KZhead АРНАҒА ТІРКЕЛІҢІЗ: www.youtube.com/@informburo31kanal?sub_confirmation=1
---------------------------------------------
Астанада әйелін азаптап, айуандықпен өлтірді деп күдікке ілінген Қуандық Бишімбаевтың ісіне қатысты соталды тыңдалым басталды. Прокурор экс-министрді марқұм келіншегін үнемі қорлап, намысына тиіп, зорлық жасап отырған деп айыптады. Тіпті, Бишімбаев Салтанат Нүкеноваға қоқаң-лоқы көрсетіп, интимдік сипаттағы фотосуреттер түсіруге итермелеген. Сорақысы, әйелін өз қолымен сабап өлтірген соң қылмысын жасыруға тырысқан.
---------------------------------------------
Теңдессіз жобамызға көз салыңыз: kzhead.info/channel/PLn2OyECVOtB8ZSSBwiA43xi-_dRdDnFhq.html
Толығырақ: kzhead.info/sun/YLuHicmGln6kY4k/bejne.html
Бүгінгі шығарылымда:
НҰРБОЛАТ ЖАҢАБЕКҰЛЫ, тілші:
- Иә, бүгін қоғамдағы тұрмыстық зорлық-зомбылық проблемасын өзекті ете түскен істің соталды тыңдалымы болды. Бүгін мемлекеттік айыптаушы Қуандық Бишімбаев пен жары Салтанат Нүкенованың танысуынан бастап, азаматтық некедегі ақырғы күніне дейін айтып берді. Деректеріне сәйкес, Бишімбаев кейінгі келіншегінің артынан қалмай жүріп танысып, аз уақыт ішінде көңілін тауып, үйленген. Той жасаған. Алайда, заңды некеге тұрмаған. Сондай-ақ тыңдалымда күдіктінің әйелін себепті, себепсіз қызғана бергені туралы да айтылды. Айыпталушы әйелінің барлық қоңыраулар тарихын, өмірін, смс-хабарламаларын бақылап отырған. Тіпті, туыс- жақындарымен сөйлесуге тыйым салып, табысынан айырған. Соның салдарынан жанжал жиілеп, сезікті қол жұмсауға көшкен деді прокурор. Һәм онысы әдетке айналған.
АЙЖАН АЙМАҒАНОВА, мемлекеттік айыптаушы:
- Өткен жылы Нүкенова дене жарақатының суретін түсіріп, ағасына жолдаған. Бірақ ешқандай әрекет жасамауды өтініпті. Себебі, бәрі дұрыс болады деп сенген. Ал, ағасы ажырасуын сұраған. Бишімбаев болса ұрып-соққанын айғақтайтын фотоның барын біліп, өзін қауіптен қорғау мақсатында Нүкенованы жалаңаш фотоға түсуге итермелеген.
Прокурордың айтуынша, марқұм Нүкенова күйеуі түзеліп, бәрі реттеліп кетеді деп сенген. Сондықтан, ажырасуды ойласа да бірге тұрып, қоныс аударуға да көніпті. Ал, дәл осы қайғылы оқиға болған күні концертке барған. Бірақ кеште де кикілжің туындап, екеуі Bau мейрамханасына барған. Мұнда бірнеше шөлмек шарап ішілген соң, Салтанат Нүкенова арадағы қарым-қатынасты тоқтатқысы келетінін айтқан. Осыдан кейін жанжал ушығып, Бишімбаев әйелін соққының астына алған екен. Яғни, маңызды ағзаларын зақымдап, басына, кеудесіне, денесіне ауыр жарақаттар жасаған.
АЙЖАН АЙМАҒАНОВА, мемлекеттік айыптаушы:
- Нүкенова дәретханаға тығылып, есікті ішінен іліп алған. Бірақ бұл Бишімбаевты одан әрі ашуландыра түскен. Ол есікті әуелі қолымен, сосын штативпен сындыра бастаған. Ал, ішке кіргеннен кейін Нүкенованы қайта соққыға жығып, есін жоғалтқанына көз жеткізген соң ғана әрекетін тоқтатқан.
Нұрболат, сот істің осыншалық резонанс тудырғанын біледі, сол үшін процесс қатысушылары мен тілшілерге жағдай жасаған шығар?
НҰРБОЛАТ ЖАҢАБЕКҰЛЫ, тілші:
- Бұл іс еліміздегі ең өзекті, ең танымал іс десек қателеспейміз. Бірақ, біз сотты тек онлайн бақылауға мәжбүр болдық. Себебі, сот процеске қатысуға ниетті кісі көп болады деп күтпеді ме, әлде кеңірек зал табылмады ма, әйтеуір, тақиядай тар бөлмеге тоқсан тілшіні кіргізді. Әрі, судья айыптау актісін оқып тұрған прокурорды да бір тоқтатқан. Оған жәбірленуші мен айыпталушының туыстары яғни, экс-құдалардың арасындағы дау сеп болып отыр. Айта кетейік, Бишімбаев кінәсін мойындамайтынын айтты. Сондай-ақ, істің ашық өткізілуін сұрады.
Оның адвокаттары қылмыстық істің қосымша тергеуге қайтарылғанын қалайды. Тіпті, қылмыстық істі қылмыстық құқық бұзушылықтың жоқтығы үшін тоқтату қажет деп санайды. Экс-министрмен қоса, туысы Бақытжан Байжанов та сотқа тартылып отыр. Оған «қылмысты жасыру» және «қылмыс туралы хабарламау» баптары бойынша айып тағылған.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 www.youtube.com/@informburo31kanal
Informburo kz www.youtube.com/@informburokz2022
Facebook - facebook.com/informburo31/
Instagram - instagram.com/informburo31
WhatApp - whatsapp.com/channel/0029VaDmFd0G8l5LLZKA3o19
TikTok - www.tiktok.com/@informburo31?_t=8jqWjxPD6n8&_r=1
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
Өкінішті жағдай. Сот әділдігін берсін. Обалай.
Сотталсын өлім жазасын берсін
Шынындада неге сот ашык емес , соттын адил откенин отпегенин калай билемиз. Неге присяжныйлармен отпейди , сурактар кудик тугызып жатыр. Некеге турмаган дейди, сонда токал ма ? Канша айели бар Бишимбаевтын ? Соттын ашык болганын калаймыз , ойткени резонанс тудырды гой.
Окиништи окига 😢сот адил шешим тапсын 😊жазасын тартсын аиыпты болса
Барын айдан анык айтып тур гой енды артына каратпай сотамайды
Мейрамханада ешкім болмағанба сонда көмек беретін
ОСЫ СОТ ӘДІЛ ШЕШІЛМЕСЕ ОНДА ҮКІМЕТТІҢ ЕШ ҚАДІР ҚАСИЕТІ ҚАЛМАЙДЫ.БҰЛ БИШЕНБАЕВТЫҢ ҒАНА ХАЛЫҚ ПЕН ҮКІМЕТТІҢ АРАСЫНДА ҒЫ АЛШАҚТЫҚТЫ КӨРСЕТЕДІ
Уияаты жоқ екен
Неге АЕЛИ КУНЕЕ БУЛ ЖЕРДЕ КАТЫНЫ ОЙНАСЫ БОЛСО КУЙСИ .УРГАНГА АКЫСЫ .БАР АЕЛИ ИЧАДИ СИГАРЕТ ЧЕГАДИ БУЛ ДУНЕ СОНКЫ ДЕЙНЕГЕ ОНДЫРМАЙДЫ Я КИРГИЗКА ЗАТО МУЖ ХАРОШИЙ ЧЕСТНО ГОВАРИЛИ
Муж.не виноват жена алкаш