2126-Savol: Vitr namozi kayfiyati | Ustoz Abdulloh Zufar

ВИТРНИНГ СУННАТГА МУОФИҚ КЎРИНИШЛАРИ.
Росулуллоҳ саллоллоҳу алайҳи васаллам дедилар: "Витр ҳақдур. Ким уни ўқимоқчи бўлса, беш ракат ўқисин, ҳоҳласа уч ракат ўқисин, ҳоҳласа бир ракат ўқисин". Абу Довуд 1422. Шайҳ Албоний саҳиҳ деган.
БИР РАКАТ ВИТР ЎҚИМОҒЛИК ЖОЙИЗ ЭКАНИ ҲАҚИДА.
Росулуллоҳ саллоллоҳу алайҳивасаллам дедилар: "Тунда витр бир ракатдир".
Саҳиҳ Муслим 752.
Росулуллоҳ саллоллоҳу алайҳи васаллам дедилар: "Тунги намозларингни икки ракат -- икки ракатдан ўқиб бораверинг, агар бомдодга уҳлаб қолишдан ҳаф қилсангиз бир ракат витр ўқиб тугатинг".
Саҳиҳ Муслим 749.
Оиша розиёллоһу анҳа онамиздан ривоят қилинади: "Росулуллоһ саллоллоһу алайһи васаллам тунда бир ракат витр ўқидилар".
Ибн Ҳиббон 2413. Шайҳ Албоний саҳиҳ деган. Қаранг. "Силсила ас саҳиҳа" 3846.
Ҳофиз Ибн Хожар Асқолоний айтадилар: "Саҳоболардан келган саҳиҳ ривоятларда, улар {баъзан} бир тунда, ҳеч қандай жуфт намозсиз бир ракат витрни ўзини адо этишар эди. Ибн Носирнинг саҳиҳ ривоятида, Усмон Ибн Аффон розиёллоһу анһуни бир тунни ўзида ҳеч қандай қўшимча нафл ибодатисиз бир ракат витрни ўзини ўқиб унда Қурон тиловат қилгани ривоят қилинган. Ва яна саҳобелардан Саид Ибн Абу Ваққос, Муовия, ва Ибн Аббос розиёллоһу анҳуларни бир туннда хеч қандай қўшимча нафл ибодатисиз бир ракат витрни Ўзи билан кифояланишгани ривоят қилинган". Қаранг. "Фотҳул Борий" 2/385.
Ушбу ҳадислар, кишини Ҳуфтоннинг фарзидан кегин то Бомдод намози оралиғида фақат бир ракат витрни ўзини адо этиши жойиз эканига ҳужжат далилдир.
УЧ РАКАТЛИК ВИТР НАМОЗИНИНГ КАЙФИЯТИ ҲАҚИДА.
Уч ракатлик витр намозининг адо этилиш кайфияти Суннатга муофиқ уч ракат икки кўринишда бўлади:
1.Бир йўла уч ракат ўқиб учинчи ракатда ташаҳҳудга ўтириб салом бериб тугатади.
Оиша розиёллоҳу анҳа онамиздан ривоят қилинади: "Росулуллоҳ саллоллоҳу алайҳи васаллам уч ракат витр ўқиб сўнги ракатида ташаҳҳудга ўтириб салом берар эдилар". Насоий 3/234 ва Байхақий 3/31 ривояти. Имом Нававий ҳадисни саҳиҳ деган. Қаранг. "Ал-Мажмуа" 4/7.
2. Ёки Икки ракат алоҳида ва бир ракат алоҳида ўқийди.
Ибн Умар розиёллоҳу анҳдан ривоят қилинади: "Росулулллоҳ саллоллоҳу алайҳи васаллам уч ракат витрни, икки ракат алоҳида ва бир ракат алоҳида ўқир эдилар". Ибн Ҳиббон 2435 ривояти. Ибн Хожар саҳиҳ деган.
УЧ РАКАТЛИК ВИТР НАМОЗЗИНИ ШОМ НАМОЗИНИ ФАРИГА КАББИ ИККИ ТАШАҲҲУД БИЛАН ЎҚИШДАН ҚАЙТАРИЛДИК.
Росулуллоҳ саллоллоҳу алайҳи васаллам айтдилар: "Уч ракат витр намозини Шом намозининг уч ракат фарзи каби адо этмангиз". Ҳоким 1/304, Байҳақий 3/31 ва ДароҚутний 172 ривояти. Ҳоким ҳадисни саҳиҳ деган.
Яний: Уч ракатлик витр намозини икки ташаҳҳуд билан ўқишдан қайтармоқдалар.
ҲАР ТУНДА ФАҚАТ УЧ РАКАТ ВИТР ЎҚИМОҚДАН ҚАЙТАРИЛДИК.
Росулуллоҳ саллоллоҳу алайҳи васаллам айтдилар: "Тунги витр намозларингни уч ракат қилиб тайин қилиб олмангиз, балки беш, ёки етти, ёки тўққиз ёки ўн бир ракат қилиб ўқинг". Ҳоким 1/314 ва Таҳовий 1/292 ривояти. Ҳоким, Ҳофиз Ироқий, Ҳофиз МуллоЯқийн, ва Шайҳ Албонийлар ҳадисни саҳиҳ деган.
Яний: Тунда Вит намозини ҳар бир ҳил кўринишда, уч ракат қилиб ўқишдан қайтармоқдалар. Базан уч, базан беш, базан етти, ёки тўққиз ёки ўн бир қилиб ҳар ҳил кўринишда ўқишга тарғийб қилмоқдалар.
#savol_javob