Кәсіп ашуға ниетті қазақстандықтардың 1 380 000 теңге қайтарымсыз грант алуға мүмкіндігі бар

15 мамырдан бастап кәсіп ашуға ниетті қазақстандықтар 1 миллион 380 мың теңге көлемінде қайтарымсыз грант ала алады. Ал бұл мүмкіндікке 3 мыңға жуық азаматтың қолы жеткелі отыр. Яғни, бағдарлама талабына сай келетін кісі business.enbek.kz порталына тіркеліп, өтініш қалдырады. Грант кәсібіне қажетті құрал-саймандар мен еңбек құралдарын сатып алуға берілмек. Әрі мал не құс шаруашылығымен айналысуды жоспарлап жүрген отандастарымыз да қайтарымсыз қаржыдан үмітті болып отыр. Сондай-ақ, көшет аламын деген азаматқа да грант үлестіріледі. Болмаса, берілген қаржыға жалға алу ақысын төлеуге болады. Бірақ бұл бір реттік көмекті тұтынушылық мақсатта қолдануға болмайды. Демек, кредит төлеп, жылжымайтын мүлік сатып алуға тыйым салынған.
Игі жобаның екінші легі аясында 2697 адамға грант беру жоспарланып отыр екен. Ал қайтарымсыз қаржы көлемі 400 айлық есептік көрсеткіш яғни, 1 миллион 380 мың теңгені құрайды. Бұл қаржыға бизнес бастауға не дамытуға мүмкіндік бар. Демек, бір реттік көмекті бастапқы капитал ретінде қабылдау қажет. Және грант жұмыспен қамту орталығына жұмыссыз не жеке кәсіпкер болып тіркелген азаматтарға үлестіріледі. Бірақ тіркеу мерзімі 3 жылдан аспауы тиіс. Әрі конкурсқа мүгедектігі не «қандас» мәртесі бар тұрғындар қатыстырылады. Сондай-ақ, өңіраралық қоныс аударушылар мен асыраушысынан айырылған, аз қамтылған, көпбалалы отбасылардың мүшелеріне де жәрдем ұсынылады. Егер талапқа сай келсеңіз, өтінім беру үшін business.enbek.kz порталына тіркелесіз. Сосын сіздің шарттарға сәйкестігіңіз тексеріледі. Әрі қарай, бизнес-жоспар үлгісін жүктеп, толтырып, порталға қайта енгізу қажет. Айта кететін тағы бір жайт, қатысушы «Бастау Бизнес» жобасы бойынша оқығанын растайтын сертификатты да қоса ұсынуы тиіс.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
Біздің сайт: www.31.kz и www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал