Алматы облысының тұрғыны тауар таңбасын заңсыз пайдаланған

Тауар таңбасын заңсыз пайдаланған. Алматы облысының тұрғыны 521 дана моторлы май сыртына «Тойота» компаниясының белгісін жапсырған. Бұл әрекет - компания өкілдерінің назарынан тыс қалмады. Олар аталған фактіге байланысты арыз жазып, нәтижесінде Алматы облыстық және Алматы қалалық Әділет департаменті қызметкерлері кезектен тыс тексеру жүргізді. Барысында құны 5 миллион теңгеден асатын тауар тәркіленді. Қазір оларды жою жұмыстары жүргізіліп жатыр. Қонаев қалалық сотының шешімімен заңға қайшы әрекет жасаған азаматқа айыппұл салынды.