НАМЫСТЫҢ ӨТІРІК ОЯНУЫ! 🇰🇿

НАМЫСТЫҢ ӨТІРІК ОЯНУЫ
Борат фильмнің артында кімдер тұр? Мақсаты не? Сайқымазақ фильмге неліктен Қазақ елі таңдалды? Осы сұрақтардың жауабын білетіндер бар ма?
Сыртқы істер министрлігі халықаралық құқық шеңберінде шұғыл түрде қарсылығын білдіруі тиіс. Заң тұрғысынан фильмнің көрсетілімін тоқтату жағы мүмкін болса, сонымен айналысуы керек.
Ал кейбір кісілердің “атып тастайық, жазалап жіберемін” секілді сөздері популизмнен басқа ешнәрсе емес.
Шын мәнінде біз Корея, Жапония, Германия секілді дамыған, демократия орнаған, құқық салтанат құрған елдердің қатарында болғанымызда, кім нендей фильм түсірсе де өтпейтін еді. Өздері масқара болар еді. Сондықтан біз ең әуелі осы жағына көбірек көңіл бөлуіміз керек. Елдегі “бораттық” жағдайларға фильмге қарсылық көрсеткеніміздей қарсылық таныта алмасақ, бәрі бір мезеттік лап етіп жанып, әп сәтте өшіп қалатын нәтижесі жоқ эмоция ғана, дейді дінтанушы ғалым қайрат Жолдыбайұлы.
Енді тарихшы Көкбөрі Мүбарактың пікіріне назар салып көрейік: соншама адам көк байрақты Бораттың фильмінен кейін жалғастырып жер-жерге, әлем желіге ілуді жалғастырып кетуін өзімнің шарадай басым шақша боп ешқандай түсіне алмадым. Бораттың киносына "намыстың өтірік оянуы" деген үзінді қоспақсыздар ма?
Қаншама уақыт бойы рух пен ұлтты нәсихаттап ақпарат таратып келеміз. Сол кезде үлкендер жағы құлақ түріп, жастар мән бере бермейтін. Бүгін айнаға және футболға қараудан бас алмайтын жастар көк туды бетперде етіп жылтырақ өмір кешіп жүр. Білем, бұл қылықтың бірер күннен кейін толас табатынын. Бұл қылығымыз Қадір түнінде ғана тілек тілеп мешітке түнеп, қалған уақытта мешіт ойына кірмейтін жанның харекетіне ұқсап кетеді. Неге әр күні сіздерден ұлтжанды ақпарат көрмейміз? Неге бүгін ғана? Сізді сол мазақшы адам оятып кетті ме?
Мұндай іске арнап бір блогер ютуб каналында адам ауызы бармайтын, құлақ естуге нанбайтын боқтық жаудырыпты. Тілімді тістеп отырып қалдым. Недеген құбылған намыс! Нағыз намысты ұл жауын да, досын да боқтамайды ғой, басқа жағынан ұрымтал тұсынан келеді ғой.
Менің бар ойымдағы шаруа:
Ұланбатыр қаласындағы Моңғолдардың өз ұлтының намысын қорғайтын жасырын топтар құрып, тексіз кеткен ұлы мен қызын жазалап, шеттің өз еліне деген тіл-көзін бағып отырғанына қарап, біздің ауызымызға артық сөз боратудың әуре екенін, тура осындай қандес, қайтпайтын намысқор ұйымдардың жасырын түрде әрбір іске даяр болғанын қалаймын. Мен де ішіне кіріп қызмет етер едім.
Он-жиырма адам болып жұдырығын түйіп немесе қолын көкке көтеріп "біз Қазақтың намысын қорғаймыз!" деп 5-10 минуттық үндеу тастап, кейін ештеңе істемей уақыттың тереңдігінен құлап кете беретін видеоның талайын көрдік. Оның бәрі жетілмеген намыс. Қу сөзден қуырдақ қуырып бір-ақ күнге өлермен ұлтшыл болғанша әр күні ұлтшыл болыңыз!
Толығырақ Видеода...