Қауырсын көңіл құлады-ау көктен,
Құлады-ау көктен кім көрді?!
Уа, қандай қиын жыламау неткен,
Түксиген күйі түн де өлді.
Сезім мен сенім арасы сынған,
Жаралы құстай күйге енгем
Мұң ала түсті жаға тұсымнан
Мен оны ессіз сүйген ем.
Жазықсыз жаным жем болып қалды-ау,
Жем болып қалды-ау қайтемін?!
Сабырсыз сезім сенделіп қалды-ау,
Құдіретің болса айт емін.
Аққудай арман сұңқылдап қалды-ау,
Сұңқылдап қалды-ау айдында.
Өмірдің жасы жылтылдап тамды-ау,
Жоқ əлде менің қайғым ба?!
Ұстатпай көкке алып ұшқамын..
Алып ұшқаным құс көніл..
Өткен күндердін сағыныштарын..
Өшіре алмадым іште жүр...
Бозторғай болып шырылдап кетті-ау,
Шырылдап кетті-ау бұл кеуде.
Көмейде жетпей үнім қап кетті-ау,
Естілмей талай дүрлерге.
Керемет əн
👍👍👍