Istixora qilish tartibi | Истихора |

"Istixora qilish tartibi" to'liq ma'lumotni yuklab oling:
(ИСТИХОРА.pdf 96.7 КБ) cloud.mail.ru/public/5qir/E7F...
ИСТИХОРА
«Истихора» сўзи хайр, яхшилик исташ деган маънони англатади.
Мусулмон киши бирор ишни қилиш-қилмасликка ёки икки ишдан қай бирини қилишга иккиланиб қолса, Аллоҳ таолога дуо қилиб, хайрлисини сўраши истихора дейилади.
Истихора қилиш учун яхшилаб таҳорат қилиб, икки ракъат нафл намоз ўқиб, сўнг истихора дуосини қилади. Масалан, бир одам билан шерикчиликда иш бошлашдан олдин, уй олди-сотдисида, оила қуришда, сафар қилиш ва шу каби исталган бир ишни қилишдан олдин истихора қилиш суннатдир. Иншааллоҳ, ихлос билан истихора қилинса, Аллоҳ таоло хайрли ишни одамнинг кўнглига кўнглига солиб, ундаги иккиланиш йўқолади. Бунда қайси йўлни танлаш туш ёки бошқа бир йўл орқали аниқ аён бўлиши шарт эмас, лекин баъзи ҳолатларда тушда аён бўлиш эҳтимоли ҳам бор. Бу каби ҳолатларда одам тезда бир қарорга кела олмаса, истихора бир неча марта такрор қилинаверади.
Истихорадан олдинги намози учун азон ёки иқома айтилмайди. Шунингдек, бу намозда Фотиҳа сурасидан кейин қайси сура ёки оятни зам қилиш ҳам ихтиёрий.
Истихора дуосидан олдин, ҳар қандай бошқа дуодаги каби, Аллоҳ таолога ҳамду санолар, Набий соллалоҳу алайҳи васалламга дуруду саловотлар айтиш ҳам суннатдир.
Истихора дуоси
اللَّهُمَّ إنِّي أَسْتَخِيرُكَ بِعِلْمِكَ, وَأَسْتَقْدِرُكَ بِقُدْرَتِكَ, وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ, وَتَعْلَمُ وَلا أَعْلَمُ, وَأَنْتَ عَلامُ الْغُيُوبِ, اللَّهُمَّ إنْ كُنْتَ تَعْلَمُ أَنَّ هَذَا الأَمْرَ خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ عَاجِلِ أَمْرِي وَآجِلِهِ, فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ, اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ عَاجِلِ أَمْرِي وَآجِلِهِ, فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ رَضِّني بِهِ
Ўқилиши: Аллоҳумма, инний астахийрука би ъилмика, ва астақдирука биқудротика ва асʻалука мин фазликал ъазийм. Фаиннака тақдиру, ва лаа ақдир, ва таъламу ва лаа аъламу ва анта ъаллаамул ғуюуб. Аллоҳумма, ин кунта таъламу анна ҳаазал-амро хойрун лий фий дийний ва маъааший ва ъаақибати амрий, ъажили амрий ва ажилиҳ, фақдурҳу лий ва яссирҳу лий, сумма баарик лий фийҳ. Ва ин кунта таъламу анна ҳаазал амро шаррун лий фий дийний ва маъааший ва ъаақибати амрий, ва ъажили амрий ва ажилиҳ, фасрифҳу ъанний вақдур лиял хойро ҳайсу каана, сумма роззиний биҳ.
Маъноси: «Аллоҳим! Мен Сенинг илминг билан истихора* қиламан, Сенинг қудратинг билан қудрат сўрайман, Сенинг улуғ фазлингдан сўрайман, чунки Сен қодирсан, мен қодир эмасман, Сен билурсан, мен билмасман. Сен ғайбларни билгувчи Зотсан. Аллоҳим, агар бу иш менинг динимда, ҳаётимда, охиратимда ва ишимнинг оқибатида [ёки «ҳозирги ишимдаю келгусида»] хайрли эканини билсанг, уни менга тақдир қилгин, менга осон қилгин, уни мен учун баракали қилгин. Агар бу иш менинг динимда, ҳаётимда, охиратимда ва ишимнинг оқибатида [ёки «ҳозирги ишимдаю келгусида»] ёмон эканини билсанг, мени ундан, уни мендан буриб юборгин ва менга қаерда бўлса ҳам яхшиликни тақдир қилгин, сўнгра мени у билан рози қилгин».
00:00 KIRISH
Аvvalo, yaxshilab tahorat qilib, ikki rakʼat nafl namozga niyat qilamiz:
IKKI RAK'AT NAFL NAMOZ
1-rak'at
0:24 NIYAT
0:34 SANO
0:40 ISTI'OZA VA BASMALA
0:47 FOTIHA SURASI
1:24 ZAM SURA (KAFIRUN)
1:56 RUKU'
2:14 SAJDA
2-rak'at
2:41 BASMALA
2:46 FOTIHA SURASI
3:23 ZAM SURA (IXLOS)
3:36 RUKU'
3:55 SAJDA
4:21 TASHAHHUD
4:43 SALAVOTLAR
5:05 DUOLAR
5:21 SALOM
5:32 Duodan oldin basmala, Аlloh taologa hamdu sano va Nabiy alayhissalomga salavot aytamiz.
5:44 ISTIXORA DUOSI
6:44 SOLIH, SOLIHA JUFTI HALOL SO'RASH ISTIXORASI
9:05 XOTIMA
Азизлар, болажонларимиз учун яна қандай видеолавҳалар фойдали бўлади деб ўйласиз? Марҳамат, таклифларингизни изоҳларда қолдиринг!