Әскери бөлімдерге шаруашылық қызмет көрсеткен жұмысшылар еңбекақыларын ала алмай жүр

Атырауда әскери бөлімдерге шаруашылық қызмет көрсеткен жұмысшылар еңбекақыларын ала алмай жүр. Оған қоса міндетті әлеуметтік төлемдері жарты жылдан бері аударылмаған көрінеді. Ал азаматтарға жұмысын істетіп алып, ақыры ақшасын бермей отырған «Әскери құрылыс Астана» жауапкершілігі шектеулі серіктестігі Қорғаныс министрлігіне қарасты мердігер компания болып шықты.
Бұл «Әскери құрылыс Астана» компаниясы батыс филиалының жұмысшылары. Олар Атыраудағы әскери бөлімдердегі шаруашылық қызметтерді атқарған. Компания жарты жылдан бері барлық әлеуметтік төлемдерін аудармағаны былай тұрсын, желтоқсан айының еңбекақысын да төлемеді дейді жұмысшылар.
НҰРЖАМАЛ ЖАЙНОВА, жұмысшы:
- 50 мың теңге зарплата аламыз, 44 мың теңге кредитім бар мысалы менің. Декабрьден бері зарплата жоқ. Мен пенсионный возрасттағы адаммын. Бізден ұстайды зарплатадан, а немізге құйылмайды. Қара жұмыс, маңдай термен жасымызды сыпырып жүріп, жасымыз алпысқа келіп, аяғымыз ақсаңдап жүріп еңбек етеміз.
МЕДЕТ БЕЙТЕНОВ, жұмысшы:
- Пенсионный фонда, страхованный плюс, барсаң красный жанып тұр, доғдыр қарамайды бізді, кері қайтарып жібереді. Ешқайсысына не пенсионный төленіп жатқан жоқ. Не жанағы страховый плюс төленіп жатқан жоқ.
Қорғаныс министрлігінің мердігері. Ал жұмысшылардың бұл компаниямен келісім шарты жыл соңында аяқталған. Енді төлемдері мен еңбекақыларын қалай өндіріп аларларын білмей дал. Наразы топқа келген еңбек инспекциясы тексеру басталғанын айтты. Компания атыраулық 60-қа жуық жұмысшының еңбекақысына 8 миллион теңге, сондай-ақ, міндетті әлеуметтік төлемдерге бір жарым миллион теңге шамасында берешек екен.
ОЛЖАС БЕКМҰҚАМБЕТ, «Әскери құрылыс Астана» ЖШС Батыс филиалының қаржы директоры:
- Еңбекақы төлеуде қиындықтар туындап жатыр. Біздің есепшотымыз бұғатталған. Қазір прокуратура, еңбек инспекциясының араласуымен бұл мәселе шешіліп жатыр. Бірер аптада бұл мәселе шешімін табады.
КЕМЕЛ ИМАНҒАЛИЕВ, Атырау облыстық Еңбек инспекциясы басқармасының бөлім басшысы:
- Анықтап жатырмыз. Арыздарын алып, мекемеге тексеру тағайындаймыз.
«Әскери құрылыс Астана» батыс өңірдегі, яғни Атырау, Ақтөбе, Ақтау қалаларындағы әскери бөлімдерге қызмет көрсеткен. Осы жүздеген жұмысшыға 30 миллион теңге көлемінде қаржы берешек екен.
Жанат Молдашова, Фархат Тәжібаев
Бізді әлеуметтік желіде оқыңыздар:
KZhead - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар