1 маусым-Халықаралық балаларды қорғау күні аталып өтілді.

БІЗ БАҚЫТТЫ БАЛАМЫЗ
1 маусым күні Бөгетсай ауылдық мәдениет Үйінде Халықаралық балаларды қорғау күніне «Біз бақытты баламыз» аты мерекелік концерті өткізілді.
1950 жылы 1 маусымда бірінші рет Халықаралық балалар күні жарияланып, осы уақыттан бастап бұл мереке жыл сайын аталып өтіледі. 1 маусым - балалық шақтың басты мерекесі - жаздың алғашқы күні.
Шарада Бөгетсай ауылдық мәдениет үйі құрылым бөлім басшысы Жанаберген Токин ауыл тұрғындарын мерекемен құттықтап, бөбектерге қамқорлық көрсету, олардың құқықтарын қорғау тек белгіленген бір күн емес, әрқашанда үлкендердің назарында болуы тиіс екендігіне тоқталып өтті.
Концертті музыкалық жетекші Несібелі Жиенбаева жүргізді. Ауыл өнерпаздары Амина Бақыткерей «Біз бақытты баламыз», Нұрзила Аманкелді «Арманыма жетемін», Сәнім Рақымжан «Ата-әже», Айдана Исмагулова «Ағатайым», Шолпан Дүзбай «Жақсы көрем», Самал Аманкелдина «Аққұс», Нұрай Жантерекова «Саржайлау», Сәнім Төлеуова «Бақыт деген», Айнамкөз Тишбаева «Ауыртпа Алла анамды», Амангүл Елеусізова «Отан» әндерін орындаса, Ақбаян, Кәусар Орынбасаровалар және Сабина Асанова «Үнді», Ақбота Санжар «Таңғы жаңбыр», Айзере Аманкелді мен Айкерім Оңдасын «флешмоб», Рауан Серік «Көңілді бақа» билерін билеп, Аяулым Санжар «Ана» өлеңін мәнерлеп оқыды.
Сондай-ақ, Бәдигүл Әбдірахманқызы, ауылдық кітапханашы Гүлжазира Абдолова "Дина", «Нұркелді», «Толғанай», «Нұрсұлтан», «Ақмаржан» дүкендерінің иелері атынан мерекемен құттықтап, барлық бүлдіршіндерге балмұздақтар мен тәттілер таратты.
Шара соңы ауылдық кітапханада балалар күніне орай ұйымдастырылған «Бар мейіріміміз балаларға» атты кітап көрмесімен жалғасты.