Булуғ әл-Марам 21.Саудалар кітабы 1-бап: Тыйым салынған саудалар 27-28-хадис. Ұстаз: Омар Теміртас

673/27 - Тоус (р.а.), Ибн Аббастың (р.а.) былай деп айтқанын риуаят етеді: Алла елшісі ﷺ: "Сырттан келгендерді алдынан шығып күтіп алмаңдар және жергілікті адам сырттан келген адамға сатып бермесін", - деді.
Тоус айтады: "Ибн Аббастан: Жергілікті адам сырттан келген адамға сатып бермесін деген сөздің мағынасы қалай?", - деп сұрап едім, ол: "Оған делдал болмау", - деді". Хадисті Бухари мен Муслим жеткізген.
674/28 - Әбу Хурайрадан (р.а.): Алла елшісі ﷺ: "Тауарды күтіп алмаңдар. Кім оны күтіп алып, одан сатып алса, тауар иесі базарға келгенде ода таңдау болады", - деді. Хадисті Муслим риуаят еткен.