Қайғылы жағдай! Бір әулеттің 11 адамы суға кетіп ажал құшты

Түркістан облысында Сырдария өзеніне демалуға барған бір әулеттің 11 адамы суға кетіп ажал құшты. Ағайындылардың ең кішкентайының жасы небәрі төртте болған екен. Куәгерлер жанұя мүшелері өзен суына тұншығып қалғандарын айтады. Бір сәтте жан тәсілім еткен бауырлардың әзірге тоғызының ғана мәйіті табылды. Ал, қалған екеуінің денесі бір тәуліктен бері іздестіріліп жатыр.
Түркістан облысындағы Көксарай ауылының тұрғындары кешеден бері ес жия алмай жүр. Себебі, ауыл маңындағы Сырдарияға бірден 11 адам батып, жан тапсырды. Бір күн бұрын ғана отбасылық мереке өткізген әулет өзен маңына демалу үшін келген екен. Алайда, о баста балалардың күлкісі шыққан аумақтан әп-сәтте көмекке шақырған дауыс естілді дейді көргендер.
ӘДІЛХАН АМАНОВ, куәгер:
- Біз арғы бетте жүргенбіз. Осы жерде балалар ойнап жатыр екен. Құтқарыңдар деген дауыс келді. Содан біз айналып келдік. Келсек уже жүгіріп жатыр екен бәрі. Көмектестік. 6 адам шығардық. Қандай күйде екенін білмейміз. Жүгіріп әкеп-әкеп қойдық. Қарайтындай шама болмады.
Орны толмас қайғыдан кейін қаралы отбасы есеңгіреп қалған. Немерелерінен айрылған ата-әжеге жарты сағат сайын жедел жәрдем көмегі келіп жатты. Перзенттерінен айырылған әкелеріне болған жағдайды айтудың өзі ауыр. Ал, төтенше жағдай қызметкерлері мен ауыл тұрғындары ағайындылар бір-бірін құтқарамын деп суға секірген дейді.
МҰСАБЕК САРЫМБЕТ, Көксарай ауылының тұрғыны:
- Бірінші бала түсті деді сол үйдің. Кішкентай баласы. Соны құтқарамын деп анасы кеткен. Анасын құтқарамын деп қыздары секіре берген дейді ғой. Бір үйден бесеу кетті. Анасымен қосқанда. Бір үйден үшеу кетті. Бәрі бір атаның балалары ғой. Бір атадан 4 бала болса, 4 баланың ұл қыздары ғой кетіп жатқан.
Суға кеткен 11 адамның ең үлкені 40 жастағы келіншек. Ол бірнеше күн бұрын ғана үлкен қызын оқуға шығарып салған екен. Өкінішке орай дарияда Баян Айтбаймен қоса үш қызы мен бір ұлы ажал құшты. Және тағы бір отбасы 4 баласы мен екі жанұя бір-бір перзенттерінен айырылды.
МҰРАТ ҚАМБАРОВ, Түркістан облысы жедел құтқару жасағының бас құтқарушысы:
- 08:55 те бір денені батқан жерден төмен 50 метр шамасында су түбінен алып шықтық ямадан. Екінші денені 22:50-де 5 метр жерде талға қыстырылып қалған жерден батқан жерден 45 метр жерден алып шықтық.
Суға кеткен 11 аамның екеуі әлі табылған жоқ. Олар 10 және 12 жастағы ұл мен қыз. Ал, дариядан денесі шығарылған 9 марқұм бүгін жер қойнына тапсырылды. Олардың ең кішкентайы 4 жасар ұл бала. Ал төтенше жағдайлар қызметкерлері "Сырдария - бағыты мен судың қозғалыс жылдамдығы жиі өзгеріп тұратын өзен. Сондықтан қайғылы оқиға болған аумақта терең шұңқыр болуы да мүмкін деп болжайды.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал