2024 жылдан бастап зейнетақы жүйесінде жаңа өзгерістер пайда болады

Жаңа жылдан бастап барлық жұмыс беруші өз қаражаты есебінен қызметкер үшін 1,5 пайыз міндетті зейнетақы жарнасын аударады. Ол кезең-кезеңмен жүзеге асырылып, 2028 жылы оның мөлшері 5 пайыз болады. Дегенмен, жаңашылдыққа кей кәсіпкерлер қарсылық танытып отыр. Ал сарапшылар бұл «көлеңкелі экономикаға» тежеу емес, керісінше оның тынысын ашады деп отыр. Әріптесім Дарын Сағитов тарқатады.
ДАРЫН САҒИТОВ, тілші:
- Дәулет Мыржықбаев кәсіпкерлікпен 10 жылдан бері айналысады. Мемлекет алдындағы барлық салықты уақытылы төлейді. Шығын аз емес. Енді 1,5 пайыз зейнетақы жарнасын аудару үлкен қолбайлау болады деп есептейді.
ДӘУЛЕТ МЫРЖЫҚБАЕВ, кәсіпкер:
- Өте қиын болады. Төлейтін налогтарымыз и так жеткілікті. Жылдан-жылға көбейте беріп оның пайдасы тимейді деймін. Айтып жатыр, мировой, әлемдік деңгейде біз болуымыз керек деп. Әлемдік деңгейге жету үшін бірталай жұмыс жасау керек. Ол бізге тиімді емес, тиімсіз болып тұр.
Ал еңбектің зейнетін көретіндер үшін зейнетақының көп болғаны жақсы. Бұл - халықтың пікірі.
Экономистер бұл шығындардың орнын толтыру үшін кәсіпкерлер үшін жағымды инвестициялық климат жасау керек дейді. Сонымен қатар, банктерден берілетін несиелердің пайыздық мөлшерлемесін төмендету қажет. Сонда ғана олардың кәсібіне нұқсан келмеуі мүмкін.
БАУЫРЖАН ЫСҚАҚ, экономист:
- Қосымша шығындар көлеңкелі экономиканың орын алып кетуіне де мүмкіндік беруі мүмкін. Мемлекеттің кәсіпорындар үшін жасайтын бағдарламалары қолжетімді болу керек. Яғни, осы шығындарды кәсіпорындар көре отырып, мемлекет тарапынан беріліп жатқан жеңілдіктердің қосымша түрлерін қабылдайтын болса онда бұл екі жаққа да тиімді деп ойлаймын.
Еңбек министрлігіндегілер бұл шара жастарды қолдау үшін жасалып отыр дейді. Себебі, болашақта олардың зейнетақы мөлшері дәл осы аударымдардың көлемімен байланысты болды. Яғни, жарна көп болса - зейнетақы да көп болды.
БАЯН ХАСЕНОВА, ҚР Еңбек және халықты әлеуметтік қорғау министрлігінің басқарма жетекшісі:
- Зейнеткерлік жасқа толғанда олардың зейнетақысы келесі компонеттерден құралады. Бірінші - базалық зейнетақы. Екінші - жинақтаушы зейнетақы. Яғни, бірыңғай жинақтаушы зейнетақы қорындағы аударымдар. Үшіншісі - шартты-жинақтаушы зейнетақы. Бұл - жұмыс берушілердің аударған жарналары. Демек, зейнетақы көп болады.
Жұмыс берушінің міндетті зейнетақы жарналарын енгізу, әсіресе 1998 жылға дейін еңбек өтілі болмаған немесе аз уақыт жұмыс істегендер үшін тиімді. Осылайша, азаматтарды зейнетақымен қамтамасыз ету үшін мемлекеттің, жұмыс берушінің және қызметкердің ортақ жауапкершілігі қалыптасады.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал