«СЫР ЛИГАСЫ» ОБЛЫСТЫҚ САЙЫСЫ БАСТАЛДЫ

Қызылордада «Сыр лигасы» орта білім беру ұйымдары арасында облыс әкімінің кубогы үшін сайыстар басталды.
Аймақ басшысының қолдауымен бастау алған «Сыр лигасы» жобасына Қызылорда қаласы мен барлық аудандардан 130 мыңға жуық оқушы қатысып жатыр. Оқушылар сайыстың 7 түрінен өнер көрсететін болады. «Жігіттердің сұлтаны», «Жайдарман», «Жас мобилогораф», «Дебат», «Ана тілі аруы», «Отбасылық волейбол сайысы», «Теңбіл доп», «Хор сайысы» өткізілу жоспарлануда. Жалпы, жарыс түрлері 4 кезеңнен тұрады. Мектепішілік, аймақтық, аудандық іріктеу кезеңдері және облыс орталығында ақтық сайыстар өтеді. Жарыс қорытындысымен жеңімпаз оқушыларға бағалы сыйлықтар табысталып, үздік командаға қомақты қолдау шаралары көрсетілмек.
ФАРХАТ ДОСАЕВ - ТӘРБИЕ, СПОРТ ЖӘНЕ ҚОСЫМША БІЛІМ БЕРУ ОРТАЛЫҒЫНЫҢ ДИРЕКТОРЫ
Біртұтас тәрбие аясында «Қлттық мектеп лигасы» өткізіліп келген. Биылдан бастап «Сыр лигасына» ауыстырылып, басқа сайыстарды қосып өткізіп отырмыз. Биыл мобилографияны қосып жатырмыз. Өйткені ол сұраныстағы дүние. Балаларды не нәрсе қызықтырады. Сол бағытта сайыстарымызды көбейтіп отырамыз. ++Әр ойын түрі бойынша ақшалай сыйлық болады. Үлкен сома миллион теңгеге дейін барады. Бір команда бірнеше сайыс бойынша жүлделі орын алуы мүмкін. Оған автобус берсек деген ойымыз бар.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv