Алтын іздеген белгісіз біреулер ауылдың маңындағы ойды да, қырды да қопарып жатыр

БІЗДІҢ KZhead АРНАҒА ТІРКЕЛІҢІЗ: / @informburo31kanal
---------------------------------------------
Ойды да, қырды да қопарып бітті. Жетісу облысында белгісіз біреулер алтын кенін жаппай қазып жатыр. Ақсу ауданы Суықсай ауылының тұрғындары дәл осылай дейді. Сөздерінше, ауылдан 25 шақырымға жуық жерде тереңдігі 2 метрден асатын шұңқырлар пайда болған. 2-3 жылдан бері қазба байлық іздегендер ойды да, қырды да қопарып жатыр дейді тұрғындар. Бұған ауыл тұрғындар үзілді - кесілді қарсы. Айтуларынша, осының кесірінен жайылым жердің тапшылығы туындаған. Мәселенің мән-жайын Диана Тұрлыбек біліп қайтты
---------------------------------------------
Теңдессіз жобамызға көз салыңыз: • Сөздің шыны керек: [жу...
Бүгінгі шығарылымда:
Ақсу ауданына қарасты Суықсай ауылында гектарлап қопарылған жер көп. Тұрғындар, "асын ішіп аяғына тепкендей, алтын іздеген компаниялар керегін алып, жерді қопарып кете берді",- деп күйінеді. Соның салдарынан қазылған орындардың айналасы қоқысқа толған. Жұрт жайлауға шығатын сайды қопарып, тынымсыз тас алатын заңсыз кәсіпкерлердің жұмысына қарсы. Өйткені осы жұмыстардың кесірінен мал жаятын жер қалмады дейді тұрғындар.
ҒАЛЫМБЕК СЕЙСЕБАЕВ, Суықсай ауылының тұрғыны:
- Келіп жерді қазып, бұлай болмайды ғой енді өзіңіз көрсеңіз. Жерді қазып кеткен, жолды қазып кеткен. Ешкімнен сұрамаған. Ойларына келгендерін жасап жатыр.
Өңір тұрғындары тиісті мекемелердің осы мәселеге қатыстары бар ма деп күдіктенеді. Өйткені тау-тасты қопарып қазба байлық іздегендерге бірнеше жылдан бері тосқауыл болмаған көрінеді.
САЙЛАУ СЕКСЕНБАЕВ, Суықсай ауылының тұрғыны:
- Мына әңгіме ұзарып жатыр, тоқтату керек. Бірінші жылы емес, бәрі біліп отыр бұны. Қазіргі әкімнің алдында басталған. Тоқтату керек контролировать ететін орган бар ма өзі?! Мына жолды, жайлауға шығатын жолды халық жасаған, енді оның быт-шытын шығарды да кетті.
БОРАНБЕК ЖЕКСЕНБЕК, Суықсай ауылының тұрғыны:
- Біздің талап - мына жөн-жосықсыз қазуды тоқтату. Біріншіден экологиямызға, екіншіден біздің табиғатымызды, кереметтей жерімізді қазғылау деген дұрыс емес. Мұнда исторический нелер болған, оның бәрі қазір жер мен жексен. Ал, енді мынандай бассыздыққа біз жол бермейміз.
Шерін айтып, жиналған жұрттың алдына аудан әкімінің орынбасары да келді. Ол бұл мәселені кеше ғана білдім дейді. Енді құқық қорғау органдарына тапсырамыз, тұрғындар тілегі ескеріледі деп сендірді.
АМАНДОС САБЫРБАЕВ, Ақсу ауданы әкімінің орынбасары:
- Бұл жердегі жұмыс істеп жатқандардың бәрі заңсыз. Бізден де, басқа органдардан да рұқсат алынбаған. Біз хабардар болғанымызға міне 1-3 күн ғана болды. Ешкім айтқан жоқ бізге.
Үш жылдан бері ауыл маңын қопарып қазып, алтын тауып жүргендердің барлығын жергілікті әкімдік білмесе де, суықсайлықтар жақсы біледі. Егер мұнымен заңсыз іс бітпесе, жоғарыға шағымданамыз деп отыр.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық