5-бап. Таухид пен «Лә иләһа иллә Алла» күәлігінің түсіндірмесі. Ұстаз: Омар Теміртас

5. Таухид пен «Лә иләһа иллә Алла» күәлігінің түсіндірмесі.
Алла Тағала сөзінде: {Ибраһим өз әкесі және қаумына айтқан еді:
«Әлбетте, мен сендер табынып жатқан пұттардан тазамын {26} Тек,
өзімді жаратқаннан басқа...} (Зухруф, 26-27).
Алла Тағала сөзінде: {Алладан өзге саған пайда да, зиян да келтіре алмайтын нәрсеге дұғамен жалбарынба, ал егер солай істесең, онда сен залымдардан болғаның} (Юнус, 106).
Алла Тағала сөзінде: {Адамдардың ерлері жындардың ерлерінен
қорған сұрайтын, сонда олар (жындар) олардың (адамдардың)
қорқыныштарын арттыра түсетін} (Джин, 6).
Алла Тағала сөзінде: {Немесе Оған дұғамен жалбарынған кезде кім
шарасызға жауап бермек және жамандығын (кім) қайтармақ?!}
(Нәміл, 62).
Алла Тағала сөзінде: {Олар (христиан мен яһудилер) өз дін
басшылары мен монахтарын Алладан өзге раббылар етіп алды
және...} (Тәуба, 31).
«Сахих Муслим» де келгендей Пайғамбар صلى الله عليه وسلم былай деген: «Кімде-кім “Лә́ илә́һа иллә Алла1” десе, және Алладан өзгеге табынатындарды мойындамаса, онда оның мал-мүлкі мен қаны харам болады, ал оның есебі Алланың құзырында».
1 Мағынасы: Алладан басқа құлшылыққа лайықты ешбір тәңір жоқ.
Ғимра́н ибн Хусейн (р.а.) пайғамбар صلى الله عليه وسلم жайлы былый деген: «Пайғамбар бір кісінің қолындағы мыстан жасалған сақинаны көріп: «Бұның не», - деп сұрайды. Ол кісі: «“Уа́һина” сырқауына қарсы», - деді.Пайғамбар صلى الله عليه وسلم» : Оны шешіп таста, оның саған әлсіздіктен басқа арттырары жоқ. Егер де сен осы сақина өзіңде бола тұрып қайтыс болып кеткенде, ешқашан жетістікке (табысқа) жетпес едің», - деді. Хадисті Ахмад жеткізді, бұл хадисті жеткізген адамдардың тізбегі жаман емес.
Ибн Масғуд (р.а.) былай деп айтқан: «Мен Алла елшісінің صلى الله عليه وسلم келесі сөздерін естігенмін: «Расында, дем салу , тұмарлар және тиуәлә ширк болып табылады». Хадисті Ахмад пен Әбу Дауд жеткізген.Әбу Уа́қид Әлләйси былай деген: «Біз Алланың елшісімен صلى الله عليه وسلم бірге Хунайн жорығына шыққан едік. Біз болсақ сол кезде жаңадан кәпірліктен айрылған едік (мұсылман болдық). Мүшіріктердің лотос ағашы бар еді. Олар оның маңында оңашалап (береке тілеп ұлықтайтын еді), оған қаружарақтарын (береке қонсын деп) іліп қоятын. Ол ағашты “Зату Ануат атаумен атап кеткен. Біз бір лотос ағашының маңынан өтіп бара
жатқанда былай дедік: «Иә Алланың елшісі, бізге де олардың “Зату
Ануат” сияқты ағаш істеп беріңіз. Сонда Алланың елшісі صلى الله عليه وسلم бұны естіп: «Аллаһу Акбар (Алла аса ұлы)! Бұл айтқандарың бұрынғылардың жолы. Жанымды қолында ұстап тұрғанмен ант етемін! Сендер Исраил ұлдары Мусаға: «Бізге олардағы сияқты бір құдай істеп бер», - деп айтқандарындай айттыңдар. (Муса оларға): {Сендер надан болып жүрген қауымсыңдар}, - деді. (Пайғамбарымыз صلى الله عليه وسلم сөзін жалғастыра) Сендер міндетті түрде сендерден бұрын болғандардың жолдарын қуасыңдар. Хадисті Тирмизи жеткізіп, оны сахих деген.Али (р.а.) былай деп айтқан: «Алланың елшісі صلى الله عليه وسلم маған төрт сөзбен мына нәрсені әңгімелеп берді: «Алла, Алладан өзгеге құрбан шалған адамды лағынеттеді, Алла, ата-анасын лағынеттеген адамды лағынеттеді, Алла, бұзақыға8 пана берген адамды лағынеттеді, Алла, жер бетіндегі нұсқау белгісін (жол белгісін, шекараны) өзгерткен адамды лағынеттеді». Хадисті Муслим жеткізген
То́риқ ибн Шиһа́б пайғамбар صلى الله عليه وسلم жайлы келесі жайтты жеткізген: «Пайғамбарымыз صلى الله عليه وسلم былай деп айтқан: «Бір ер кісі шыбын үшін Жұмаққа кірді және де басқа бір ер адам шыбын үшін Тозаққа кірді». Сонда сахабалар: «Бұл қалай болған, иа Алланың елшісі?», - деп сұрады. Пайғамбар صلى الله عليه وسلم айтты: «Екі ер адам пұтқа табынатын бір қауымның тұсынан өтіп бара жатқан. Қауымның тұсынан ешкім пұттарына құрбан шалмайынша өте алмайтын. Сол қауым келе жатқан екі адамның біріне: «(пұтқа) Құрбан шал», - деп айтты. Ол: «Менде құрбан шалатын еш нәрсе жоқ», - деді. Қауым оған: «Шыбын болса да құрбан шал», - деді. Ол шыбынды құрбандыққа шалғандықтан, олар оны
жолына қоя берді, сондықтан да ол Тозаққа кірген. Қауым басқасына: «Құрбан шал», - деді. Ол болса: «Мен Құдіретті де Ұлы Алладан басқаға еш нәрсені құрбандыққа шалмаймын», - деді. Сол үшін олар (қауым) оның мойынын шапты, сондықтан да ол Жұмаққа кірді». Хадисті Ахмад жеткізген.