Миялы ауылы Ы.Алтынсарин көшесінің тұрғындарының құқықтарын «Атырау Жарық» АҚ алдында кім қорғайды?

Атырау облысы әкімі Серік Шәпкеновтің назарына
«Атырау Жарық» АҚ директорлар кеңесінің төрағасы Оразғали Қаршегеновтің назарына
27 қазан күні түсқайта Миялы ауылдық округ әкімін МУА Мақсат Төкенов, аудандық мәслихаттың депутаты Есенбай Нұров, аудандық қоғамдық кеңестің мүшесі Айжан Ізімова, Миялы ауылдық округтің қоғамдық кеңестің мүшесі Мәлік Жұмалиев болып, кешегі ток көзінің кесірінен өртенген үйге бардық.
Анықтағанымыз төменде жариялап отырмын:
«Атырау Жарық» АҚ теңгеріміндегі ток бағандарындағы салбырап тұрған ток кернеулері қысқа тұйықталуына 5 күн өткен соң, 26 қазан күні Ертілесов Жәнібектің үйінің токтары ток көзінен айрылып қалған соң, аудандық «АтырауЖарық» АҚ Қызылқоға аудандық бөлімшесіне хабарлайды. Сол күні, 26.10.2023 ж. аталмыш бөлімшеден 4 монтер адам сағат 16:00 шамасында келіп, ток щитогын ажыратып және қайта қосып жөндеп жатқан уақытта қысқа тұйықталу болып, үйдің төбесі жана бастайды. 73 жастағы анасын жетектеп, үйден барлығы шығып үлгереді. Үй тұтастай жанып кетті.
Жәнібек Сырлыбаевтың 7 жыл бейнеттеніп салған үйіне кіргеніне 1-2 жыл болыпты, ток кернеулерім жаңа еді, кешегі 21 қазандағы 13:30 ток линиясының бойындағы қысқа тұйықталудан кейін телезизор т. б. жанып кеткеннен кейін, свет бір жанып, қайта сөну пайда болды дейді.
Маман емес адамдардың өздері электр желі қатты қызып жарамсыз жағдайға түскенін айтып тұрғанда, сол саланың электрик мамандары сырттан келген токты жедел айырып, үйдегі электр желісін қәуіпсіздік шарасын сақтағандықтан пайдаланбай ток ұзартқышты пайдалануды, үйдің ішкі электр желілері қызғаннан сарғайып, қорғаныш сыртқы қабаты жалаңашталып қалғандықтан ауыстыруды ұсынудың орнына, қызып кеткен электр желісін қайта жалғамақ болған және көз алдында бір үйдің ток щитогын шұқылап жүрген 4 монтер өздері бас болып, токты жарамсыз электр желісіне қосамын деп, үйдің толық жанып кетуіне себепкер болған.
Көмек көрсетемін дегендерге
Миялы ауылдық округінің қоғамдық кеңес мүшесі, округтің ардагерлер кеңесінің мүшесі Жұмалиев Мәлік Жаңбырбайұлының каспиголдына аударуларыңызға болады.
Телефоны +7 701 182 8888
P. S. Құрметті «АтырауЖарық» АҚ басшылықтағы қызметкерлері!
Қазақы дәстүрге салынып, «қой болды» бас аман ғой деп, мәселені жылы жауып қоюға тырыспаңыздар, бұл мәселені Миялы ауылынан сайланған аудандық мәслихаттың депутаты ретінде аяқсыз қалдырмаймын. Өйткені «Атырау Жарық» АҚ монополист мекемесінің қызметкерлерінің салғырттығынан күні бұрын шолып, Бәйсеу ауылы (Ы. Алтынсарин көшесі) құмақты жер болғандықтан ток желілері тартқан бағандарының бекітілуін тексеріп тұруы керек еді. Жазғы дауылдарда құм көшкінінен бағанның айналасындағы топырағын үрлеп кетсе, күзгі жаңбырлы болып, бағанның түбі босағандықтан қатты желге ток желісі тартылған бағандар бірі оңға, келесісі солға қисайып қалған. Жалаң тұрған төрт электр желісі бір бірімен оратылып, осы көшедегі трансформаторға қосылған үйлердің ішкі үйлерге тартылған желілеріне өте күшті ток кеткендіктен тұрмыстық техникалары түгелге жуық жанып кеткен.
Ал, осыны мекеме қызметкерлері өздерінің қәтеліктерін түзеп, осы көшедегі әр үйдің ішкі электр желілері өте күшті жоғары вольтті ток жүргендіктен қызып, жарамсыз күйге түскенін үй аралап тұрғындарға ескертіп, үй ішіндегі электр желілерін ауыстыруға тура келетінін айтпаған.
Олар, кінәні дауылға яғни, табиғатқа жауып, гидромедтен қағаз алдыртып өз кінәларын жуып шәйудің жолын іздегені белгілі болып отыр.
Өйткені, бұл мекеменің қызметкерлері мәселені түсініп, дұрыс жұмыс жүргізіп жатпағанына көздері жеткен Ы. Алтынсарин көшесінің екі тұрғыны К. Шыңдаулов, А. Қожахметов Миялы ауылдық округі ғимаратындағы өткен менің депутаттық қабылдауыма келіп, осы менің жазып отырған жағдайды айтқан болатын.
• 21.10. Миялының Байсеу...
Электрик қызметкерлер түсіндірме жүргізіп, үй аралап, электр желілерінің жағдайын тексерудің орнына, Атыраудағы заңгерімен хабарласып, қалайда, өз кінәлерін мойындамай, тұрғындарды кінәлі қылудың жолын іздегені анықталып отыр. Соның кесірінен, мәселені анықтауға тырыспағандықтан үйдегі электр желілерінің жай күйін тексермегендіктен 4 монтер есептегіш құрал тұрған, қәуіпті жағдайда өздігінен айыратын құрылғы тұрған автоматты қәуіпсіздік ережелерін сақтамай токқа қосу барысында бір үйді электр желісінің ақаулығынан өрт болуы мүмкіндігін елемегендіктен өртеп алды.
Мен заңгер емеспін, елдің қалаулысы қылып, депутатқа сайлағандықтан шындықты айтуға тура келеді.
Егер де, Атыраудағы «АтырауЖарық» АҚ басшысы өзі аяқтай келіп, Миялы ауылындағы Ы. Алтынсарин көшесінің тұрғындарынан кешірім сұрап, шығындарын төлеуге келер аптада келмейтін болса, олардың үстінен жоғарғы басшыларына менің атымнан қатынас хат кететінін ескертемін.