Экс-министр Қуандық Бишімбаев «өз әйелін өлтірді» деген күдікпен ұсталды

Ішкі істер министрлігі бұрынғы Ұлттық экономика министрі Қуандық Бишімбаевтың қамауға алынғанын растады. Ал бұған дейін Астана қаласының полиция департаменті елордадағы мейрамханалардың бірінде келушілер арасында жанжал туындап, салдарынан бір әйелдің қайтыс болғанын хабарлаған еді. Құқық қорғау органының ақпаратынша, келіншек дене жарақаттарынан көз жұмған.
Қоғамды дүр сілкіндірген қайғылы оқиға кеше кешкісін елордадағы қоғамдық орындардың бірінде болған. Ал БАҚ беттеріндегі ақпаратта, жанжалдың дәл осы BAU мейрамханасына келушілер арасында болғаны жазылған еді.
Қалалық қоғамдық денсаулық сақтау басқармасының мәліметінше, жедел жәрдемге қоңырау сағат 8-дер шамасында түскен. Алайда, дәрігерлер оқиға орнына жеткенше әйел адам қайтыс болып кеткен.
АСТАНА ҚАЛАСЫНЫҢ ҚОҒАМДЫҚ ДЕНСАУЛЫҚ САҚТАУ БАСҚАРМАСЫ:
«9 қараша күні сағат 19:54-те қалалық жедел медициналық жәрдем станциясына шақырту түсті. Жедел жәрдем бригадасы шақырылған мекенжайға келгенде 1992 жылы туған әйел адамның өлі екенін анықтады. Оның денесі полицияға тапсырылды.
Оқиға орнына полиция департаменті мен Есіл аудандық полиция басқармасының жедел-тергеу топтары шақырылған. Қазір тергеу амалдары жүргізіліп жатыр. Қылмыстық-процестік кодекске сәйкес, өзге ақпараттар жарияланбай отыр. Дегенмен, бүгін Ішкі істер министрлігінің өкілдері қамауға алынған күдіктінің бұрынғы министр екенін растады. Ал сәлден соң әлеуметтік желіде Қуандық Бишімбаевтың ұсталған сәттегі суреті делінген фото жарияланды.
СӘКЕН СӘРСЕНОВ, ҚР Ішкі істер министрінің орынбасары:
- «Есть какие то детали. По какому? - Бывшего министра экономики Куандыка Бишимбаева? И как у нас в общественном месте получилось возможным убить человека? - Ну как вы знаете он задержан. Сейчас следственные мероприятия. Остальное я комментировать не могу. И в рамках работы вам дополнительную информацию представят».
Кейбір ақпарат құралдарында «көз жұмған келіншек күдікті Қуандық Бишімбаевтың екінші әйелі- Салтанат Нүкенова» деген мәлімет тарады. Және әлеуметтік желіде экс-министрдің жарымен түскен суреттері шықты. Ал бұрынғы министр бірінші жұбайымен 2020 жылы ажырасқан екен.Қуандық Бишімбаев «Болашақ» бағдарламасымен Вашингтонда оқыған. 2016 жылы Ұлттық экономика министрлігін басқарды. 2018 жылы наурызда аса ірі көлемде пара алғаны үшін 10 жылға сотталды. Бірақ араға бір жыл салып, 2019 жылы күзде шартты түрде босатылған болатын. Қайғылы оқиға қазір қоғамда қызу талқыланып жатыр. Желі қолданушылары адам өлімі болған мейрамхананың жабылуын талап етуде. Және бәрі заңды түрде шешіледі деп үміттенеді. {ГЕО: АСТАНА }Тағы бір ақпарат көздерінде, аталған қоғамдық орын күдіктінің анасына тиесілі делінген. Айта кетейік, іс Қылмыстық кодекстің «Адам өлтіру» бабы бойынша тергеліп жатыр. Күдіктінің кінәсі дәлелденсе 8 жылдан 15 жылға дейін бас бостандығынан айырылады.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал