"Жетісу" телерадиокомпаниясына - 25 жыл

"Жақсылықтың жаршысы" атанған "Жетісу" телерадиокомпаниясына - 25 жыл. Телеарна алғаш 1999 жылы, 28 сәуірде "Алматы қаласында құрылды. Бастапқыда хабар тарату сигналы болмады. "Қазақстан" ұлттық арнасы эфирінде аптасына 1 сағат алып отырды. Ал, дербес эфирге "Жетісу" арнасы 2003 жылы,19 мамырда қол жеткізді. Бүгінде 90 тарату станциясы арқылы Жетісу, Алматы облыстары аумағын 98 пайызға қамтып отыр. "Отау тв" жерсерігі қызметін пайдаланатындар телеарна өнімдерін Қазақстанның кез-келген өңірінде көре алады. Ал, "Қазсат-3" жерсерігі "Жетісудың алыс- жақын шетелге шығуына жол ашты. Ресей,Түркия,Иран, Пәкістан,Моңғолия, Батыс Қытайға хабар тарату мүмкіндігі бар. Ширек ғасырда өзіндік даму жолынан өткен "Жетісу" телерадиокомпаниясының өзіндік тарихы, өзіндік жетістіктері бар. Біз бүгін 28 маусым журналистер күніне дейін "Жетісудың" 25 жылдығына орай арнайы сюжеттер циклын бастаймыз.