Емханаға жете алмай жатқан мүгедек көп

Осыдан төрт жыл бұрын арбаға таңылған Қуаныш Кершетай бұрын жарты сағатта жетіп келетін жедел жәрдемді енді сағаттап күтуге мәжбүр. Қан қысымы қатты көтерілген науқасты ауруханаға апаратын арнайы көлік жоқ. Қалалық 2-ші емхананың қызмет көрсету сапасы төмендеп кетті,- дейді. 28 жастағы Қуаныш Кершетай соңғы кездері денсаулығының нашарлап бара жатқанын айтады. Күн сайын жедел жәрдем дәрігерлерінің көмегі қажет болып жатады.Екі қолым ұйып, өзімді жайсыз сезінген соң, кеше жедел жәрдем шақырған болатынмын. Бірақ тағы да оны ұзақ күттім, дейді Қуаныш.Ал, қалалық №2 емхананың бас дәрігері Толыбай Бажиров мүмкіндігі шектеулі жандарға арналған көлік бұзылып тұрғанын айтады. Портал арқылы қаржы бөлінді, енді оны іске қосамыз,- дейді бас дәрігер. Бүгінде емханадағы 9 көліктің үшеуі ғана жүріп тұрған көрінеді. Алты көлік жүруге жарамсыз. 9-10 жыл бұрын сатып алынған техника бірінен соң бірі сынып бұзылады. Облыстық денсаулық сақтау басқармасына ұсыныс дайындап қойдық. Емханаға жаңа көліктер қажет,- деп отыр емхана басшысы.
Сайт телеканала www.rikatv.kz/
Twitter / rika_kz
Вконтакте vk.com/rikatv