ҰЛТТЫҢ ТІРЕГІ ДЕ, АЛТЫН АРҚАУЫ ДА - ҚАЗАҚТЫҢ ӘЖЕЛЕРІ

Қазақ отбасындағы әженің орны ерекше қадірлі. Әже - отбасының ғана емес, әулеттің де ұйытқысы, ағайын-туғанның, абысын-ажынның бірлігін, татулығын сақтайтын сыйлы анасы, кейінгі жастардың, келіндердің тәрбиешісі әрі ақылгөйі.
Қазақ қоғамында әулетті тура жолдан тайдырмай, дұрыс тезге салуда, жеткіншіктерді жастайынан адами келбет ауанынан алыстатпай тәрбиелеу үрдісінде ақ жаулықты әжелердің алар орны қашан да бір төбе болғаны анық.
Баласы жетістікке жетсе ата-анасы бірінші болып қуанады емес пе?! Тағдырдың тауқыметін көп көрсе де инабатты, ибалы балаларының арқасында бейнетінің зейнетін көріп отырған Баян әже бүгінде немере-шөберелеріне қадірлі әже болып отырған жайы бар.
Жасы жетпістен асса да әлі тың, көңілі сергек, жүзі жарқын. Арасында сабақтан келген немерелеріне тәтті-дәмдісін дайындап, өз қолымен тамақтарын да әзірлеп береді екен.
Өрісін кеңге жайып, балаларының тілеуін тілеп отырған Баян әжемізге деніне саулық, отбасына амандық тілейміз. Мерекеңізбен, алтын құрсақты әже!
#АсылӘЖЕ
#8_наурыз
#Шымкент
#ҚазақстанШымкент
#Мегаполис
#Біздіңқала
#ӨКҚ #ШымкентӨңірлікКоммуникацияларҚызметі