ҚАҢТАР ҚЫРҒЫНЫ - МЕМЛЕКЕТТІК ТЕРРОР! Ақордаға барған марқұм Қаңтаршылардың туыстарына айыппұл салды.

15 Қаңтар Қазақстанның оңтүстігінен Ақордаға барып әділдік іздеген марқұм Қаңтаршылардың туыстарының әр қайсысына 77 мың теңгеден айыппұл салынды. Осы жайлы өз пікірімді білдіргім келіп отыр.
Біріншіден, Қаңтар - бәрімізге ортақ қасірет. Оны ешқашан ұмытпауымыз қажет. Халықаралық сарапшылардың қатысуымен әділ тергеу өтіп, қаңтардың шындығы ашылып, кінәлілер жазаланып, саяси баға берілмегенше - Қаңтар Қасіреті азаматтық қоғамның күн тәртібінде тұратын бірінші мәселе болуы керек.
Екіншіден, биліктің марқұм Қаңтаршылардың туыстарына жасаған бұл әрекеті - бассыздықтың шегі және халықты Қаңтардағыдай екінші көтеріліске араңдатуы деп тануға болады!
Қаңтарда билік өзінің араңдатушылары арқылы қаланың астан кестенін шығарып, бейбіт халықты қырып, марқұмдарды көрінен қазып алып, әруақтарын соттайды екен, тірі қалғандарды әбден азаптап өлтіріп, одан тірі қалғандарды түрмеге тығады екен, енді марқұмдардың артындағы туыстары Ақордаға әділдік сұрап барса, қолдарын қайырып, автозакқа тиіп, әр қайсысына 77 мың теңге айыппұл тағады екен.
Бұл - МЕМЛЕКЕТТІК ТЕРРОР!
Мемлекеттік терроризм деген, ол - полиция және арнайы орган қызметкерлерінің қолымен жүзеге асырылатын азаматтарды заңсыз ұстау, өлтіру, ұрлау, азаптау және сотсыз жазалау деп түсініледі. Мемлекеттік терроризмге арнайы мемлекеттік органдардың қызметкерлері жасайтын лаңкестік әрекеттер де жатады. Сондықтан, бұны мемлекеттің өз халқына жасаған террорлық акті деп бағалау керек.
ҚАҢТАРДА ШЫҚҚАН БЕЙБІТ ХАЛЫҚ, БАРЛЫҒЫМЫЗҒА ОРТАҚ МӘСЕЛЕНІ КӨТЕРІП, ТАЛАБЫМЫЗДЫ БИЛІККЕ ЖЕТКІЗУ ҮШІН ШЫҚТЫ.
АЛ ОЛ БИЛІК СОЛ БЕЙБІТ ХАЛЫҚТЫ ҚЫРЫП САЛДЫ.
СОНДЫҚТАН ҚАҢТАР ҚЫРҒЫНЫНА САЯСИ БАҒА БЕРІЛІП, ТОҚАЕВТАН БАСТАП БАРЛЫҚ КІНӘЛІЛІЕР ЖАЗАЛАНБАЙЫНША, ҚАҢТАР ҚЫРҒЫНЫ АЗАМАТТЫҚ ҚОҒАМНЫҢ КҮН ТӘРТІБІНДЕ ТҰРАТЫН БІРІНШІ МӘСЕЛЕ БОЛУЫ КЕРЕК.
ҚАҢТАР БӘРІМІЗГЕ ОРТАҚ ҚАСІРЕТ!