Қараусыз қалған 3 жасар бала балабақшаның кәріз құдығына түсіп батып кетті

Алматы облысында тұңғыш баласының үшке толған туған күнін тойлаған отбасы бір күннен кейін қара жамылды. 3 жасар Заңғар есімді балақай балабақшаның кәріз құдығына түсіп батып кеткен. Тәрбиешілердің салғырттығынан балапанымыздан айрылып қалдық дейді, қайғы жұтқан отбасы.
Ет жүрегі елжіреген Ақбота Сатқынбаева тұңғышынан айырылып қалғанына әлі де сене алар емес. 12 қыркүйек күні Заңғардың үш жасқа келген туған күнін бүкіл отбасымен бірге атап өткен. Бірақ бір күннен кейін баласының оқыс жағдайда қайтыс боларын ана жүрек сезбесе керек. Таңертең балабақшадан хабарласып, баласының ауруханаға алып кеткені жайлы жайсыз хабар естіген. Ойнап жүріп, бір жерін жарақаттап алған болар деп, ауруханаға алып-ұшып келген Ақботаға дәрігерлер баласының жүріп кеткенін жеткізген.
АҚБОТА САТҚЫНБАЕВА, марқұм Заңғардың анасы:
- Бірдеңе сезген сияқты тез-тез барсам бала демалмайды. Барып не болды деп сұраған кезде бала каннализационный люкқа түсіп кетті деді. Өздерінің айтуы бойынша балаларды сигізуге кеткен біреуі тосуға сондай. Ал қалғандары не істегенін білмеймін. 04:53 Баламды қайтара алмаймын ғой. Бірақ енді бұндай салғырттық жасамаса екен деймін.
БАУЫРЖАН ЖАҚСЫМБЕТ, тілші:
- Қайғылы жағдай дәл осы кәріз құдығында болған. 3 жасар Заңғар шамамен жарты сағатқа жуық осында жатқан. Ойын алаңына жақын болғандықтан бала қараусыз қалған. Ал осы оқиғадан кейін балабақша қызметкерлері қақпақты дәнекерлеп тастаған. Ал қабырғаға ілінген бейнекамерадан бұл маңай көрінбейді.
ӘКІМҚОЖА ЫНТЫБАЕВ, Марқұм Заңғардың атасы:
- Әбден қараусыз қалғаннан кейін бала қызық көрді ма не көрді ма қалай түскенін. Жабық болған дейді. Жабық болғанда бала өзі ашып кетпейді ғой. Өзі ашып түсіп кетпейді ғой. Жүрекке батпай ма, жүрекке батпақ түгел қан жылап тұрғой менің жүрегім. Уже өзімді өзім ұстай алмай қалам кейде.
Бұл балабақшаға ауылдың 100-ге жуық бүлдіршіні күнделікті келеді екен. Әр топта 20-25 баладан бөлінген. Бір топта екі тәрбиеші мен олардың көмекшілері болады. Бірақ олар күн ара ауысып қызметте екен. Сол күні кезекшілікке түскен тәрбиеші мен оның көмекшісі және балабақша меңгерушісі қазіргі уақытта қызметтерінен босаған.
ЗАРИНА БӨЛЕКБАЕВА, Еңбекшіқазақ ауданы білім бөлімінің бас маманы:
- Видеонаблюдениені выгрузка жасап қарадық қой. Ол жерде балаларды ойын алаңына шығарады. Балалар өздері ойнап жүреді. Нянкасы басқа балалармен айналысады бірнеше бала беседка дейді ғой соның артына кетіп қалады. Соның артына кетіп қалған кезде болған оқиға болып отырғой бұл. Кіргізетін кезде ғана баланы іздеген.
Бүгін Заңғардың денесін сараптамадан өткізуге алып кеткен. Ал тәртіп сақшылары бұл іске қатысты тергеудің басталғанын хабарлады.
ЕРНАР САЙДИЛЬДИН, облыстық полиция департаментінің ресми өкілі:
- Аталған дерек ҚР ҚК 141-бабының 2-бөлігі бойынша полицияда тіркелді. Қазіргі уақытта оқиғаның барлық мән-жайларын толық лбьективті және жан-жақты зерттеуді қамтамасыз ету үшін қажет сараптамаларды тағайындау мен тергеу іс-шаралары жүргізілуде.
Заңғар отбасының тұңғышы болған. Өзінен кейін бір жарым жастағы інісі қалды. Сап-сау жүрген балапандарынан айырылып қалған отбасы енді ісіне салғырттық танытқандар әділ жазасын алсын деп отыр. Ал балабақша өз жұмысын жалғастыруда. Енді жаңа тәрбиеленушілер конкурстан кейін алынады дейді білім бөлімінің мамандары.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал