Өгей әкесінің қолынан қаза тапты деген 4 жасар бала балабақшаға ауыр күйде жеткізілген

Алматыда өгей әкесінің қолынан қаза тапты деген 4 жасар бала балабақшаға ауыр күйде жеткізілген. Бүлдіршін құлап қалды деген сылтауға сенген балабақша қызметкерлері, қаршадай ұлдың аяусыз соққының астына қалғанын білген жоқпыз дейді. Ал бұған дейін соққыға жығылған баланың оқиғасын естісе де шара қолданбаған учаскелік полицейге де қатысты қазір тексеріс жүргізілуде.
БАУЫРЖАН ЖАҚСЫМБЕТ, тілші:
- 4 жастағы Хантөре дәл осы балабақшаға 4 қыркүйектен бастап келе бастаған. Қызметкерлер алғашқы күннен бастап баланың қабағы жырық екенін байқаған. Ал 21 қыркүйек күні бет-аузы көгерген баланы әкеліп тастапты. Арада көп уақыт өтпестен, бала құса бастаған.
АЙКЕРІМ УӘЛИХАНОВА, Балабақша меңгерушісі:
- Воспитатель қабылдап алған әкесінен сұраған бұл бетке не болған деп? Беті солай өзі көгеріп тұр деп айтқан. Бірақ бала әлсіз кішкене ауырып тұр деп айтқаннан кейін воспитательге айтқан жата тұрсын деп. Біз ондай состояниеде болады деп ойлаған жоқпыз ғой баланы былай қарап тұрғанда. Ішкі жағын білмейміз ғой біз мысалы. 12:52 Мамасынан сұрағанда мамасы айтты бұл құлап қалғанбыз горкадан деді.
Ал қайтыс болған Хантөренің анасы Алматы құрылыс техникалық колледжінде электрик мамандығы бойынша арнайы пән оқытушысы ретінде дәріс береді екен. Оқу жылының басында келгендіктен, ол туралы қандай да бір ақпараттан хабарсызбыз дейді білім ордасының мамандары. Ал, қаршадай баланың қазасына күдікті ретінде ұсталған жігіт бұл оқу ордасында оқымайды деп отыр.
АҚБОТА НҰРЖАНҚЫЗЫ, Алматы құрылыс техникалық колледжі директорының тәрбие ісі жөніндегі орынбасары:
- Ол кісінің жеке басының проблемаларын мен айта алмаймын. Бірақ ұстаз ретінде студенттердің аз да болса уақытта жүректерінен орын ала алды деп айта аламын. Ешқандай студенттің қазір қамауға алынып, қандай да бір іс жүргізіп жатқанын білмеймін.
Сұмдық жағдайдан кейін тәртіп сақшылары бірден күдіктіні ұстап, уақытша ұстау изоляторына қамаған. Бұған дейін Хантөренің туған әкесі учаскелік қызметкерлерге өзге азаматтың ұлын ұрып соққанын айтты деген хабарлама тараған. Тәртіп сақшылары бұған байланысты да тексерістің жүріп жатқанын хабарлады. Егер ақпарат расталса, тиісті шаралар қолданылады дейді.
САЛТАНАТ ӘЗІРБЕК, Алматы қаласы полиция департаментінің ресми өкілі:
- Осы қылмысты жасады деген күдікпен өгей әкесі ұсталды. 2004 жылы туылған. Ер жігіт. Ол алдымен өз кінәсін мойындаған жоқ. Ақыры аяғында дәйекті заттарды ұсынған кезде мойындады. Қазіргі таңда сот-медициналық сараптаманы тағайындадық. Осы баланың өліміне әкеп соқтырған факторларды анықтау үшін.
Ықшам ауданның шырқын бұзған жаңалықтан кейін мұнда тұратындардан да маза кеткен.
АЙТУҒАН ҒАЛЫМОВ, қала тұрғыны:
- Мына жайтты естіп негізі шок болып жатырмыз. Өткенде сол 2 күн бұрын осы жерге келіп криминалистер келді, МАЙ қызметкерлері келді.
Бұл оқиғаға қатысты анасынан да тәртіп сақшылары сұрау алуда. Бүгін балабақшадан кейін қайтыс болған баланың денесін жақындары жер қойнына тапсырған. Қаршадай балаға аяусыз қол көтеруге не түрткі болғаны енді алдағы уақытта белгілі болмақ.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал