Әні: Қалибек Деріпсалдиндікі
Сөзі: Бүркіт Бекетовтікі
Қара көз қарағанда қадалып бір,
Бойыма кеткендей бір таралып тұр.
Көңілім көктем күйді шертетіндей,
Жатқандай гүл көрпеге оранып қыр.
Қайырмасы:
Арман айым,
Асыл айым.
Аймалайын әлдилеп,
Сазды әуенімен.
Лебің балдай,
Шөлім қанбай.
Өтіп бара жатқан-ай,
Жаз дәуренім бе ең?
Бір бақыт жеткендей-ақ жаңа келіп,
Сезімде аласұрған бола ма ерік?
Оранып шуағына жанарыңның,
Балқыған қорғасындай барам еріп.
Қайырмасы:
Бір сезім бойды билеп кереметтей,
Лебіңмен шайқаламын ебелектей.
Шырағы аңсауымның өзің болсаң,
Жүрейін от айналған көбелектей.
Қайырмасы: