МАҢҒЫСТАУ. Елена Әбдіхалықова

Ақиқаттың сыңарындай
Шежіресін тұмарындай сақтаған.
Абыл-жырды ұранындай,
Құлшар-күйді Құранындай жаттаған.
Қайырмасы:
Теңіз боп толқыған,
Шалқыған - Маңғыстау!
Айнымас антынан,
Салтынан - Маңғыстау!
Сапырған самал көлін,
Дауылпаз далам, менің! -
Беу, менің киелім,
Мен сені сүйемін,
Маңғыстау!
Сені аңсап шарқ ұрам,
Маңғыстау!
Кешегі өткен Абыздардан
Көнермейтін аңыз қалған мұра боп.
Жігер қайнап ұлдарында,
Жанады әлі шындарында -
"Ұран от".
Қайырмасы.
Шындықты айтып бір кездегі,
Күмбірлейді күмбездері данадай.
Пір Бекетке қоныс болған,
Қазаққа - аңыз,
Орысқа - арман,
Далам-ай!..
#өлең #ән #music #video